Minister Narayana on AP Capital Amaravati Construction Work : రాజధాని అమరావతి నిర్మాణ డిజైన్లలో ఎలాంటి మార్పులు లేవని రాష్ట్ర పురపాలక, పట్టణాభివృద్ధి శాఖ మంత్రి నారాయణ స్పష్టం చేశారు. అయితే నిర్మాణంలో ఆర్టిఫిషియల్ టెక్నాలజీని వాడుతామని చెప్పారు. అమరావతి అభివృద్ధి పనుల కోసం నవంబర్ 15 నుంచి డిసెంబర్ 31లోగా టెండర్లు ప్రక్రియ పూర్తి చేస్తామని చెప్పారు. పాత టెండర్ల కాల పరిమితి ముగిసినందున న్యాయపరమైన చిక్కులు లేకుండా జాగ్రత్తలు తీసుకుంటున్నామని చెప్పారు. వచ్చే ఏడాది జనవరి నుంచి సీఆర్డీఏ ఆధ్వర్యంలో రాజధాని అభివృద్ధి పనులు ప్రారంభం కానున్నాయని తెలిపారు. రాబోయే మూడు సంవత్సరాల్లో బిల్డింగ్ల నిర్మాణం పూర్తి చేస్తామని నారాయణ స్పష్టం చేశారు.
అమరావతి నిర్మాణ డిజైన్లలో ఎలాంటి మార్పులు లేవు. నవంబర్ 15 నుంచి టెండర్లు పిలుస్తాం. డిసెంబర్ 31లోగా టెండర్లు ప్రక్రియ పూర్తి చేస్తాం. జనవరి నుంచి అభివృద్ధి పనులు ప్రారంభం చేసి రాబోయే మూడు సంవత్సరాల్లో బిల్డింగ్ల నిర్మాణం పూర్తి చేస్తాం. -నారాయణ, పురపాలక, పట్టణాభివృద్ధి శాఖ మంత్రి
ఇక జెట్ స్పీడ్లో అమరావతి పనులు - రాజధాని నిర్మాణానికి రూ.11 వేల కోట్లు
ప్రొఫైలింగ్ యాప్పై మెప్మా సిబ్బందికి వర్క్ షాపు : విజయవాడలోని అమరావతి కన్వెన్షన్ హాల్లో ప్రొఫైలింగ్ యాప్పై మెప్మా సిబ్బందికి వర్క్ షాపు నిర్వహించారు. ఈ కార్యక్రమానికి ముఖ్య అతిథిగా మున్సిపల్ శాఖ మంత్రి నారాయణ హాజరయ్యారు. ఈ సందర్భంగా మంత్రి నారాయణ మాట్లాడుతూ పట్టణాలు, నగరాల్లో 28.56 లక్షల మంది మెప్మా సభ్యులు ఉన్నారని, వీరి డేటా అసమగ్రంగా ఉన్న నేపథ్యంలో వీరి సమాచారాన్ని పూర్తి స్థాయిలో సేకరించడమే ప్రొఫైలింగ్ యాప్ లక్ష్యమని చెప్పారు. యాప్ వల్ల వారి సంక్షేమం, అభివృద్ధికి అవకాశం ఏర్పడుతుందని చెప్పారు. ఖజానా పూర్తిగా ఖాళీగా ఉన్నప్పటికీ అభివృద్ధి ఆగదని స్పష్టం చేశారు. ఐదు సంవత్సరాలల్లో ప్రజల ఆదాయం రెట్టింపు కావాలనేది సీఎం నారా చంద్రబాబు నాయుడు లక్ష్యమని ఆయన అభిప్రాయపడ్డారు.
రాజధాని నిర్మాణం కోసం సాంకేతిక సమస్యలన్నీ పరిష్కరించాం: మంత్రి నారాయణ
అమరావతి ఐకానిక్ నిర్మాణాలకు త్వరలోనే టెండర్లు - డిజైన్ల విషయంలో ప్రభుత్వం కీలక నిర్ణయం
