వాలంటీర్లు లేని రాష్ట్రాల్లోనూ పింఛన్లు ఇస్తున్నారు కదా ! : హైకోర్టు - High court DISMISS PENSION Petition

High Court Dismiss Pension Distribute Petition: పింఛన్ల పంపిణీ నుంచి వాలంటీర్లను నిలువరిస్తూ ఈసీ ఇచ్చిన ఉత్తర్వులను సవాల్​ చేస్తూ దాఖలైన పిటిషన్‌ను హైకోర్టు కొట్టేసింది. వాలంటీర్ల వ్యవస్థ లేని ఇతర రాష్ట్రాల్లో కూడా పెన్షన్లు పంపిణీ చేస్తున్నారు కదా అని న్యాయస్థానం ప్రశ్నించింది. సజావుగా పెన్షన్ల పంపిణీకి ఈసీ ప్రత్యామ్నాయ చర్యలు తీసుకున్నందుకు పిల్​ను కొట్టి వేస్తున్నట్లు న్యాయస్థానం పేర్కొంది.

High Court Dismiss Pension Distribute Petition: పింఛన్ల పంపిణీ ప్రక్రియ నుంచి వాలంటీర్లను నిలువరిస్తూ కేంద్ర ఎన్నికల సంఘం మార్చి 30న ఇచ్చిన ఉత్తర్వులను సవాలు చేస్తూ దాఖలైన పిటిషన్‌ను హైకోర్టు కొట్టేసింది. కేంద్ర ఎన్నికల సంఘం ఇచ్చిన ఉత్తర్వులను ఉపసంహరించుకునేలా మధ్యంతర ఉత్తర్వులు ఇవ్వాలని కోరుతూ గుంటూరు జిల్లా కుంచనపల్లి గ్రామానికి చెందిన వి వరలక్ష్మి, మరో ఇద్దరు పెన్షన్‌దారులు హైకోర్టులో పిల్‌ దాఖలు చేశారు. దీనిపై విచారణ చేపట్టిన న్యాయస్థానం వాలంటీర్ల వ్యవస్థ లేని ఇతర రాష్ట్రాల్లో కూడా పెన్షన్లు పంపిణీ చేస్తున్నారు కదా అని ప్రశ్నించింది. సీఎస్​ జవహర్​ రెడ్డి మంగళవారం పింఛన్లు ప్రత్యామ్నాయ మార్గాల్లో అందజేసేలా చర్యలు చేపట్టాలని కలెక్టర్లకు ఆదేశాలు ఇచ్చినట్టు కోర్టుకు తెలిపారు.

సజావుగా పెన్షన్ల పంపిణీకి ఈసీ (Election Commission of India) ప్రత్యామ్నాయ చర్యలు తీసుకున్న నేపథ్యంలో పిల్​ను కొట్టివేస్తున్నట్లు న్యాయస్థానం తెలిపింది. హైకోర్టు ప్రధాన న్యాయమూర్తి జస్టిస్‌ ధీరజ్‌సింగ్‌ ఠాకుర్‌, జస్టిస్‌ ఆర్‌. రఘునందన్‌రావుతో కూడిన ధర్మాసనం ఈ మేరకు ఉత్తర్వులు జారీ చేసింది. గుంటూరు జిల్లాకు చెందిన వి. వరలక్ష్మి, మరో ఇద్దరు పింఛన్‌దారులు పింఛన్ల పంపిణీ ప్రక్రియ నుంచి వాలంటీర్లను తొలగిస్తూ ఈసీ ఇచ్చిన ఉత్తర్వులను సవాలు చేస్తూ హైకోర్టులో పిల్‌ దాఖలు చేశారు. ఈసీ ఇచ్చిన ఉత్తర్వులను ఉపసంహరించుకునేలా మధ్యంతర ఉత్తర్వులు ఇవ్వాలని కోరారు. వాలంటీర్లు ఇంటికొచ్చి పింఛన్‌ అందించేవారని తాజా ఉత్తర్వుల వల్ల వృద్ధులు, దివ్యాంగులు సచివాలయాలకు వెళ్లి పింఛను తీసుకోవడం కష్టంగా మారిందని వారు పిటిషన్‌లో పేర్కొన్నారు. సజావుగా పెన్షన్ల పంపిణీకి ప్రత్యామ్నాయ చర్యలు తీసుకున్న నేపథ్యంలో పిల్​ను కొట్టి వేస్తున్నట్లు కోర్టు తెలిపింది.

రాష్ట్రంలో తక్షణమే పింఛన్ల పంపిణీని ప్రారంభించాలని, వృద్ధులు, దివ్యాంగులు ఇబ్బంది పడకుండా వారి ఇళ్ల వద్దకే వెళ్లి ఇవ్వాలని టీడీపీ అధినేత చంద్రబాబు కోరారు. ఈ మేరకు ప్రభుత్వ ప్రధాన కార్యదర్శి జవహర్‌రెడ్డి, రాష్ట్ర ప్రధాన ఎన్నికల అధికారి ముకేశ్‌కుమార్‌ మీనాతో మంగళవారం ఆయన ఫోన్లో మాట్లాడారు. పింఛన్ల పంపిణీపై ఎన్నికల సంఘం ఎలాంటి ఆంక్షలు పెట్టలేదని సీఎస్‌కు వివరించారు. గ్రామ, వార్డు సచివాలయ ఉద్యోగులు, ఇతర ప్రభుత్వ సిబ్బందితో పంపిణీ చేపట్టాలన్నారు. పింఛన్లు తీసుకోవడానికి రెండు, మూడు కి.మీ. దూరంలో ఉండే సచివాలయాలకు రావాలని చెప్పడం సరికాదని పేర్కొన్నారు. పింఛన్ల పంపిణీపై తప్పుడు ప్రచారం చేస్తున్న మంత్రులు, వైసీపీ నేతలపై కఠిన చర్యలు తీసుకోవాలని సీఈవోను చంద్రబాబు కోరారు.