Film Shooting In Alluri sitharama Raju District : ఎక్కడైనా సినిమా షూటింగ్ అంటే ఆ ప్రాంతాల్లో సందడి నెలకొంటుంది. ప్రజలంతా అక్కడకు చేరి వినోదం చూస్తుంటారు. అల్లూరి సీతారామరాజు జిల్లాలోని పోలవరం ప్రాజెక్టు ముంపు గ్రామాల్లో సినిమా చిత్రీకరణ జరిగింది. దీంతో అక్కడంతా సందడి నెలకొంది. పోశమ్మగండి వద్ద మంగళవారం ఓ సినిమా చిత్రీకరణలో భాగంగా ఆ చిత్ర బృందం కొన్ని సన్నివేశాలను షూట్ చేశాారు. హీరో నితిన్, హీరోయిన్‌ శ్రీలీల నటిస్తున్న ఈ సినిమాలో కొంత భాగాన్ని ఇక్కడ నిర్మిస్తున్నట్లు సమాచారం.
పంటుపై కార్లు : చిత్రీకరణలో భాగంగా ఏపీ టూరిజం శాఖకు చెందిన పంటుపై మూడు కార్లతో పోశమ్మగండి, పూడిపల్లి పరిసర ప్రాంతాల్లో గోదావరి నదిపై షూటింగ్ నిర్వహించారు. సినిమాలోని సన్నివేశం కోసం పంటుపై ఉన్న కార్లు పంట భూముల్లో నుంచి చెక్ పోస్టును దాటుకుని వెళ్తున్నట్లు, గండిపోశమ్మ అమ్మవారి ఆలయం వెనుక వైపున కొన్ని షాట్స్ తీసుకున్నారు. ఉదయం నుంచి సాయంత్రం వరకూ ఈ సినిమా షూటింగ్ జరిగిందని స్థానికులు తెలుపుతున్నారు. ఇందులో భాగంగా ప్రతినాయకులు, కొంతమంది రైతులపై కొన్ని సన్నివేశాలను చిత్రీకరించినట్లుగా తెలుస్తోంది.
యూట్యూబ్‌ స్టార్‌ అప్పలమ్మ - డైలాగ్స్, ఫైట్స్లో ఆల్ రౌండర్!
