టిడ్కో ఇళ్లకు 'టు లెట్' బోర్డులు - అవాక్కైన ఎమ్మెల్యే! - To Let boards for Tidco houses

Fake Beneficiaries at TIDCO Houses in Tirupati District : పట్టణ ప్రాంత పేదప్రజల సొంతింటి కలను నిజం చేసే లక్ష్యంతో తెలుగుదేశం హయాంలో చేపట్టిన టిడ్కో గృహనిర్మాణాలు పేదలకు అందని ద్రాక్షగానే మిగిలిపోయాయి. గత ప్రభుత్వ నిర్లక్ష్యంతో అర్హత లేని వారికి కూడా టిడ్కో ఇళ్లు కేటాయించారు. దీంతో అసలైన లబ్ధిదారులకు తీవ్ర అన్యాయం జరిగింది. దీనికి తిరుపతి జిల్లాలో వెలుగుచూసిన ఉదాంతమే నిలువెత్తు సాక్ష్యం.

Fake Beneficiaries at TIDCO Houses in Tirupati District : పట్టణ ప్రాంత పేదప్రజల సొంతింటి కలను నిజం చేసే లక్ష్యంతో తెలుగుదేశం హయాంలో చేపట్టిన టిడ్కో గృహనిర్మాణాలు పేదలకు అందని ద్రాక్షగానే మిగిలాయి. గత ప్రభుత్వ నిర్లక్ష్యంతో అర్హులు కాని వారు సైతం రాజకీయ పలుకుబడితో ఇళ్లను దక్కించుకున్నారు. దీంతో అసలైన లబ్ధిదారులకు తీవ్ర అన్యాయం జరిగింది. దీనికి తిరుపతి జిల్లాలో వెలుగుచూసిన ఉదంతమే నిలువెత్తు సాక్ష్యం. జిల్లాలోని వెంకటగిరిలో నిర్మించిన టిడ్కో ఇళ్లను కొందరు అమ్ముకున్నారు. అలాగే మరికొందరు అద్దెలకు ఇస్తామని టులెట్​ బోర్డులు పెట్టారు. తాజాగా టిడ్కో ఇళ్లను పరిశీలించాడానికి వెళ్లిన కూటమి నేతలు అక్కడి పరిస్థితిని చూసి అవాక్కయ్యారు.

వెలుగుచూసిన విస్తుపోయే నిజాలు : తిరుపతి జిల్లా వెంకటగిరి పట్టణంలో పేదల సొంతింటి కలను నెరవేర్చాలని టీడీపీ హయాంలో దాదాపు 3 వేలకు పైగా టిడ్కో ఇళ్ల నిర్మాణానికి శ్రీకారం చుట్టారు. చంద్రబాబు హయాంలోనే 1100 ఇళ్ల నిర్మాణాలు పూర్తయ్యాయి. తరువాత ప్రభుత్వం మారడంతో అధికారంలోకి వచ్చిన వైఎస్సార్సీపీ ప్రభుత్వం అవే ఇళ్లకు పార్టీ రంగులు వేసి అనర్హులకు పంపిణీ చేశారు. అనంతరం నిర్మాణ పనులు ముందుకు సాగలేదు. తాజాాగా కూటమి ప్రభుత్వం అధికారంలోకి వచ్చాక అసంపూర్తిగా ఉన్న ఇళ్లను పూర్తిచేయడానికి రూ.11 కోట్లను కేటాయించింది. అయితే నిర్మాణ పనులను పరిశీలించడానికి వెళ్లిన కూటమి ఎమ్మెల్యే కురుగొండ్ల రామకృష్ణ విస్తుపోయే నిజలు తెలుసుకున్నారు.

ఫోన్ చేసిన ఎమ్మెల్యే - బాడుగ ఎంత? : కొందరు వ్యక్తులు వైఎస్సార్సీపీ హయాంలో మంజురైన ఇళ్లను అమ్ముకున్నట్లు ఎమ్మెల్యే దృష్టికి వచ్చింది. అలాగే మరికొన్ని ఇళ్ల ముందు అద్దెకు ఇవ్వబడును అనే రాసి ఉన్న బోర్డులు దర్శనమిచ్చాయి. దీంతో ఎమ్మెల్యే కురుగొండ్ల రామకృష్ణ లబ్దిదారుల తీరుపై ఆగ్రహం వ్యక్తం చేశారు. 'టు లెట్​​' అని రాసి ఉన్న ఫోన్​ నెంబర్లకు ఎమ్మెల్యే స్వయంగా ఫోన్ చేసి మాట్లాడారు. ఎంత బాడుగకు ఇస్తారని ప్రశ్నించారు. మీకు అవసరం లేకపోతే ప్రభుత్వం నుంచి ఎందుకు తీసుకున్నారని మండిపడ్డారు. అనంతరం అద్దెకు ఇచ్చిన వాళ్లను గుర్తించి వారిని లబ్ధిదారుల జాబితా నుంచి తొలగించడానికి చర్యలు తీసుకోవాలని అధికారులకు ఎమ్మెల్యే రామకృష్ణ సూచించారు.

సమస్యలన్నీ పరిష్కరిస్తాం : అలాగే రాత్రిపూట కొన్ని ఇళ్లల్లో అసాంఘిక కార్యక్రమాలు నిర్వహిస్తున్నట్లు స్థానికులు ఎమ్మెల్యే దృష్టికి తెచ్చారు. దీంతో తమకు ఇబ్బందిగా ఉందని మహిళలు వాపోయారు. అదేవిధంగా తాగునీరు, విద్యుత్ సమస్య ఉందని ఏకరవు పెట్టారు. వారి సమస్యలు విన్న ఎమ్మెల్యే అన్నింటిని పరిష్కరిస్తామని హామీ ఇచ్చారు. అలాగే అక్కడ అల్లుకుపోయిన పిచ్చి మెుక్కల్ని టీడీపీ శ్రేణులతో కలిసి ఎమ్మెల్యే తొలగించారు.