East West Godavari District Teacher MLC bye Election Notification : రాష్ట్రంలో తూర్పుగోదావరి - పశ్చిమ గోదావరి ఉపాధ్యాయ ఎమ్మెల్సీ ఉప ఎన్నికకు రంగం సిద్ధమైంది. ఈ మేరకు కేంద్ర ఎన్నికల సంఘం షెడ్యూల్‌ విడుదల చేసింది. తూర్పుగోదావరి - పశ్చిమ గోదావరి ఉపాధ్యాయ ఎమ్మెల్సీ షేక్ సాబ్జీ రోడ్డు ప్రమాదంలో మృతి చెందిన నేపథ్యంలో అక్కడ ఉప ఎన్నిక అనివార్యమైంది. ఉప ఎన్నిక కోసం ఈ నెల 11న నోటిఫికేషన్ విడుదల చేయనున్నట్లు ఈసీ తెలిపింది.
నవంబర్‌ 18వరకు నామినేషన్లు స్వీకరించి, 19వ తేదీన నామినేషన్లను పరిశీలన చేపడతారు. అలాగే నామినేషన్ల ఉపసంహరణకు తుది గడువు నవంబర్‌ 21గా ఈసీ వెల్లడించింది. డిసెంబర్‌ 5 ఉదయం 8గంటల నుంచి సాయంత్రం 4గంటల వరకు పోలింగ్ నిర్వహిస్తారు. అనంతరం డిసెంబర్‌ 9న ఓట్ల లెక్కింపు చేపట్టి ఫలితాలు ప్రకటించనున్నట్లు ఈసీ ప్రకటనలో వెల్లడించింది.
