జ్యూరిచ్​లో పారిశ్రామికవేత్తలతో సీఎం చంద్రబాబు సమావేశం

జ్యూరిచ్ చేరుకున్న సీఎం చంద్రబాబు బృందం - విమానాశ్రయంలో వారికి ఘనస్వాగతం పలికిన యూరప్ టీడీపీ ఫోరం సభ్యులు, ప్రవాసాంధ్రులు

CM Chandrababu Davos Tour Updates : దావోస్‌లో వరల్డ్ ఎకనమిక్ ఫోరం సదస్సుకు హాజరయ్యేందుకు సీఎం చంద్రబాబు, కేంద్ర మంత్రి కె.రామ్మోహన్ నాయుడు, మంత్రులు నారా లోకేశ్​, టీజీ భరత్, అధికారుల బృందం జ్యూరిచ్‌ ఎయిర్​పోర్ట్​కు చేరుకున్నారు. అక్కడ వారికి యూరప్ టీడీపీ ఫోరం సభ్యులు, ప్రవాసాంధ్రులు ఘనస్వాగతం పలికారు. ఈ క్రమంలోనే విమానాశ్రయంలో తెలుగు రాష్ట్రాల ముఖ్యమంత్రులు కలుకున్నారు.

Chandrababu Meets Revanth Reddy : ముఖ్యమంత్రి చంద్రబాబు, తెలంగాణ సీఎం రేవంత్‌రెడ్డి అక్కడ కాసేపు ముచ్చటించుకున్నారు. రెండు రాష్ట్రాల్లో జరుగుతున్న అభివృద్ధి కార్యక్రమాలు, వివిధ పెట్టుబడులపై వారి మధ్య చర్చ జరిగింది. అనంతరం చంద్రబాబు బృందం విమానాశ్రయం నుంచి హిల్టర్ హోటల్​కు చేరుకున్నారు.​ అక్కడ భారత రాయబారి మృదుల్‌కుమార్‌తో సీఎం బృందం భేటీ అయింది. ఆ తర్వాత పలువురు పారిశ్రామికవేత్తలతో వారు సమావేశమయ్యారు. ఈ భేటీ అనంతరం తెలుగువారితో మీట్ అండ్ గ్రీట్ కార్యక్రమంలో పాల్గొంటారు. అక్కడి నుంచి రోడ్డు మార్గంలో జ్యూరిచ్​ నుంచి దావోస్​కి చంద్రబాబు వెళ్లనున్నారు.