Adilabad Man Getting Huge Income From Watermelon Farming : ఉమ్మడి ఆదిలాబాద్ జిల్లాలో సంప్రదాయ పంటలతో పాటు వేసవిలో విభిన్న పంటలు సాగవుతున్నాయి. అందులో ఒకటి పుచ్చకాయ సాగు. ఎండాకాలంలో దీనికి మంచి గిరాకీ ఉండటంతో రైతులు దీని సాగుకు మొగ్గు చూపుతున్నారు. తక్కువ కాల వ్యవధిలో ఎక్కువ ఆదాయం వస్తుండటంతో లాభదాయక పంటగా రైతులు సాగు చేస్తున్నారు. పుచ్చకాయ పంట కాలవ్యవధి 65 రోజులు కాగా, సాగులో మెళకువలు పాటించి తక్కువ సమయంలో ఎక్కువ ఆదాయాన్ని పొందుతున్నారు. అంతే కాకుండా సరిగ్గా ప్లాన్ చేసి ఎండాకాలం రాక ముందే పంటను వేస్తే, వేసవిలో మంచి దిగుబడితో పాటు ఆదాయం పెరుగుతుందని అంటున్నాడు మల్లేశ్.
"ఒక ఎకరంలో సగం పుచ్చకాయ, మిగతా దాంట్లో బెండకాయ, బీర, కాకరకాయ సాగు చేస్తున్నాను. మొత్తం ఎకరానికి దాదాపు రూ.30 వేల నుంచి రూ.40 వేల వరకు ఖర్చు వస్తుంది. అన్నీ పోనూ రూ.60 వేల నుంచి రూ.80 వేల వరకు మిగులుతుంది. డిప్ ద్వారా వ్యవసాయం చేస్తే పంటలు బాగా పండుతాయి. కాయ కూడా స్ట్రాంగ్ అవుతుంది. అన్నిటికీ ఒకే రకం మందులు వాడుతున్నాం. పుచ్చకాయ కోసం ప్రత్యేకంగా ఖర్చు చేయాల్సిన అవసరం ఏముండదు. ఈ పంట మాకు చాలా లాభదాయకంగా ఉంది." - మల్లేశ్, రైతు
Tomato Grading Machine: టమాటా సాగుపై లాభం పొందాలనుకున్నాడు... యంత్రాన్ని తయారు చేశాడు
Watermelon Farming : నిర్మల్ జిల్లా మామడ మండలం అనంతపేట్‌కు చెందిన మల్లేశ్ అనే రైతు, తనకున్న ఎకరం భూమిలో సగం పుచ్చకాయలు, మిగతా సగం బీర, బెండ, కాకరకాయ వంటి కూరగాయలను సాగు చేస్తున్నాడు. దాదాపు మూడేళ్ల నుంచి పుచ్చకాయ పంట సాగు చేస్తున్నట్లు రైతు వెల్లడించారు. పంట సాగుకు రూ.30 నుంచి రూ.40 వేల వరకు పెట్టుబడి అవుతుండగా, దాదాపు రూ.80 వేల వరకు దిగుబడి వస్తుందని చెబుతున్నారు. డ్రిప్ ద్వారా సాగు నీరు, ఎరువులు అందించడంతో పంట ఆరోగ్యంగా పెరిగి, 65 రోజులకే కోత కొస్తోందని తెలిపారు. ఎండాకాలంలో ప్రజలు ఎక్కువగా వినియోగించే పుచ్చకాయలకు మంచి గిరాకీ ఉండటంతో జిల్లాలో దీని విస్తీర్ణం క్రమంగా పెరుగుతోంది.
కొబ్బరి చెట్టే అక్కడి తీరప్రాంత రైతులకు కామధేను!
Mango Crop Loss In Telangana : 'ఫల రాజా' ఎంత పనైపాయే.. ధరలు లేక రైతన్నల విలవిల
