YSRCP Leaders Devineni Avinash and Talasila Raghuram are Not Cooperating : తెలుగుదేశం పార్టీ కేంద్ర కార్యాలయంపై దాడి కేసులో వైఎస్సార్సీపీ నేతలు దేవినేని అవినాష్, తలశిల రఘురామ్లు విచారణకు సహకరించడం లేదని మంగళగిరి పోలీసులు చెప్పారు. ఇదే విషయాన్ని సుప్రీంకోర్టు న్యాయస్థానానికి తెలియజేస్తామని సీఐ శ్రీనివాసరావు వెల్లడించారు. మంగళవారం ఈ ఇద్దరు నాయకులను విచారణకు పిలిచామని తెలిపారు. ఉదయం 10 గంటలకు మెుదట తలశిల రఘురామ్కు 7 ప్రశ్నలను అడిగి వదిలిపెట్టామని తెలిపారు.
అనంతరం 12 గంటలకు దేవినేని అవినాష్ లోపలికి పిలిచి 11 ప్రశ్నలు అడిగామన్నారు. ఈ ప్రశ్నలన్నీంటికి ఇద్దరు నేతలు తెలియదు, గుర్తులేదు, మర్చిపోయామని పాత సమాధానాలు చెప్పారని పోలీసులు వెల్లడించారు. అలాగే ఇద్దరూ ఉపయోగించిన సెల్ ఫోన్లు కావాలని అడగ్గా కోర్టు అనుమతి తీసుకుని ఇస్తామని నాయకులు చెప్పినట్లు పోలీసులు తెలిపారు.
