Jagan team obscene activities: నా తమ్ముడు, నా స్నేహితుడు, నా సోదరుడు, మా అన్న.. మనసు వెన్న అంటూ ఎన్నికలకు ముందు సిద్ధం సభల్లో జగన్ పరిచయం చేసిన నాయకుల బాగోతాలన్నీ ఒక్కొక్కటిగా బయటపడుతున్నాయి. "మంచివాడు, సౌమ్యుడు" అంటూ ఇచ్చిన కాండక్ట్ సర్టిఫికెట్ ఇచ్చిన నేతల చీకటి వ్యవహారాలన్నీ వెలుగుచూస్తున్నాయి. మాటల్లో చెప్పలేని విషయాలు, అక్షరాల్లోనూ రాయలేనంత వికృత చేష్టలు సామాజిక మాధ్యమాల్లో చక్కర్లు కొడుతున్నాయి.
వైరల్ ఫొటో - హీరోయిన్తో వైఎస్సార్సీపీ నేత కుక్కల విద్యాసాగర్ - ysrcp kukkala vidya sagar Issue
నిన్న ఎమ్మెల్సీ అనంతబాబు అసభ్యకర వీడియో, ఇవాళ కుక్కల సాగర్ మహిళల పట్ల వ్యవహరించిన దారుణాలు ఒక్కొక్కటిగా బయటికొస్తున్నాయి. వీరిద్దరే కాదు.. గతంలోకి తొంగి చూస్తే వైఎస్సార్సీపీ ఎంపీలు, ఎమ్మెల్యేలు, సహా ఆ పార్టీ నేతల వీడియో ఆధారాలెన్నో వైరల్ కావడం తెలిసిందే.
"గంటా, అరగంటా" అంటూ అప్పటి సత్తెనపల్లి ఎమ్మెల్యే అంబటి రాంబాబు చేసిన వ్యాఖ్యలకు తాలూకూ ఆడియో టేపులు, అప్పటి ఎంపీ గోరంట్ల మాధవ్ వీడియో కాల్.. ఇలా చెప్పుకొంటూ పోతే ఎంతో మంది, ఎన్నో దారుణాలు. నేతలంతా సౌమ్యులే అయితే దాడులు, దౌర్జన్యాలకు బాధ్యులెవరు? దోపిడీలు, అక్రమాలు, అరాచకాలకు అండగా నిలిచిందెవరో వారి బాధితులకు జగన్ ఇవాళ సమాధానం చెప్పగలరా?
జోగి రమేశ్, పిన్నెల్లి రామకృష్ణారెడ్డి భూ దందాలు, దాడులు, దౌర్జన్యాలు, అరాచకాలు అనేకం. కానీ, వారిని సోదరుడు మంచివాడు, సౌమ్యుడు అంటూ జగన్ పొగడ్తల్లో ముంచెత్తారు. కానీ, వాస్తవ పరిస్థితి ప్రజలందరికీ తెలిసిందే. ఎన్నో దారుణాలు, ఎన్నో అరాచకాలు, ప్రతిపక్ష నేతలు నోరు తెరిచి మాట్లాడే సంగతి పక్కనబెడితే.. హత్యలతో పల్నాడు ప్రాంతం అట్టుడికిపోయింది. తీరా ఎన్నికల సమయాన పోలింగ్ బూత్లోకి వెళ్లి ఈవీఎం మిషన్ను నేలకేసి కొట్టడం కాస్త ఆలస్యంగానైనా దేశమంతా చూసింది. అడ్డుకునేందుకు యత్నించిన తెలుగుదేశం పార్టీ ఏజెంట్ను బెదిరించడం, పోలింగ్ బయట మహిళా ఓటర్లను ఉద్దేశించి బూతులు మాట్లాడడం పిన్నెల్లికే చెల్లింది. జోగి రమేశ్ విషయానికొస్తే అగ్రిగోల్డ్ భూముల వ్యవహారంలో సర్వే నంబర్లనే మార్చేసిన ఉల్లం'ఘనుడు' ఆయన.
రోజుకో నేత చీకటి బాగోతం వెలుగుచూస్తుండగా తాజాగా కృష్ణా జిల్లా పెనమలూరు అసెంబ్లీ స్థానం నుంచి గతంలో వైఎస్సార్సీపీ తరఫున పోటీ చేసిన కుక్కల విద్యాసాగర్ వ్యవహారం బయటికొచ్చింది. ముంబైకి చెందిన ఓ హీరోయిన్తో ప్రేమాయణం నడిపిన ఆయన.. పెళ్లి విషయం ఎత్తేసరికి మొహం చాటేశాడని ఆరోపణ. వైఎస్సార్సీపీ కీలక నేతతో పాటు పోలీస్ అధికారి సహకారంలో హీరోయిన్ కుటుంబానికి చుక్కలు చూపించారని తెలుస్తోంది. హీరోయిన్తో కలిసి దిగిన ఫొటో సామాజిక మాధ్యమాల్లో చక్కర్లు కొడుతోంది.
హీరోయిన్‌ను వేధించిన వైఎస్సార్సీపీ నేతలు, కొందరు ఐపీఎస్‌లు - YSRCP Leaders Harassed Actress
అడ్డంగా బుక్కైన ఎమ్మెల్సీ అనంతబాబు! - ఈ లాజిక్ ఎలా మిస్సయ్యారు? - YSRCP MLC Anantha Babu Issue
