How to Make Cheese Omelette Recipe : ఇంట్లో కోడిగుడ్లు ఉన్నాయంటే చాలు ఎక్కువ మంది ఆమ్లెట్ వేసుకునేందుకు ఇష్టపడతారు. అయితే, ఎప్పుడూ ఒకే విధంగా ఆమ్లెట్ వేసుకుంటే తినాలని అనిపించదు. అందుకే మీ కోసం సూపర్ ఫ్లఫ్ఫీ చీజ్ ఆమ్లెట్ రెసిపీని పరిచయం చేయబోతున్నాం. ఈ స్టోరీలో చెప్పిన విధంగా చీజ్ ఆమ్లెట్ చేస్తే అచ్చం స్ట్రీట్ ఫుడ్ స్టైల్లో చేసిన విధంగా పర్ఫెక్ట్గా వస్తుంది. ఈ ఆమ్లెట్ పిల్లలకు ఈవెనింగ్ స్నాక్స్లా చేసి పెడితే ఎంతో ఇష్టంగా తింటారు. మరి సింపుల్గా చీజ్ ఆమ్లెట్ ఎలా చేయాలి? దీని తయారీకి కావాల్సిన పదార్థాలు ఏంటో ఈ స్టోరీలో తెలుసుకుందాం.
కావాల్సిన పదార్థాలు :
- 6 గుడ్లు
- రుచికి సరిపడా ఉప్పు
- వెన్న - సరిపడా
- సన్నని ఉల్లిపాయ తరుగు - అరకప్పు
- సన్నని టమాటా తరుగు - పావు కప్పు
- పచ్చిమిర్చి తరుగు - 3 టేబుల్స్పూన్
- మిరియాల పొడి - సరిపడా
- ప్రాసెస్డు చీజ్ స్లైసెస్ - 9
తయారీ విధానం :
- ముందుగా 2 గిన్నెలు తీసుకోవాలి. ఆపై గుడ్లను పగలగొట్టి ఒకదాంట్లో ఎల్లో, మరో దాంట్లో ఎగ్వైట్ వేసుకోవాలి.
- ఆపై బీటర్తో ఎగ్వైట్ నురగ వచ్చే వరకు బాగా బీట్ చేయాలి. ఎగ్వైట్లో నురగ ఎంత వస్తే ఆమ్లెట్ అంత ఫ్లఫ్ఫీగా వస్తుందని గుర్తుంచుకోండి.
- అలాగే పచ్చసొన కూడా ఎగ్ బీటర్తో 5 నిమిషాలు బీట్ చేయండి.
- తర్వాత ఎగ్వైట్ మిశ్రమంలో పచ్చసొన పోసి పైకి కిందకు కలపాలి.
- ఇప్పుడు స్టవ్ ఆన్ చేసి నాన్స్టిక్ పాన్ పెట్టండి. పాన్ వేడయ్యాక బటర్ వేసి కరిగించండి. ఇప్పుడు స్టవ్ లో ఫ్లేమ్లో అడ్జస్ట్ చేసి ఎగ్ మిశ్రమం పోసుకోండి. (ఈ కొలతలతో మూడు చీజ్ ఆమ్లెట్లు చేసుకోవచ్చు.)
- అనంతరం ఆమ్లెట్పై టేబుల్స్పూన్ సన్నని ఉల్లిపాయ, టమాటా తరుగు, కొద్దిగా పచ్చిమిర్చి తరుగు వేయండి. అలాగే కొద్దిగా ఉప్పు, మిరియాల పొడి చల్లండి.
- పాన్లో ఆమ్లెట్ సేపరేట్ అవుతున్నప్పుడు కొద్దిగా బటర్ పాన్ అంచుల వెంబడి వేయాలి.
- తర్వాత ఆమ్లెట్లో ఓ వైపు 3 ప్రాసెస్డ్ చీజ్ స్లైసెస్ వేసి మరోవైపు తిప్పుకోవాలి.
- అరనిమిషం తర్వాత ఆమ్లెట్ని ప్లేట్లోకి తీసుకోవాలి. అంతే ఇలా సింపుల్గా చేసుకుంటే టేస్టీ చీజ్ ఆమ్లెట్ రెడీ!
- ఈ చీజ్ ఆమ్లెట్ టమాటా సాస్తో తింటే టేస్ట్ సూపర్గా ఉంటుంది. ఈ ఆమ్లెట్ రెసిపీ నచ్చితే మీరు ఓ సారి ఇంట్లో ట్రై చేయండి.
రొటీన్ కాదు 'ప్రొటీన్'గా చేసేద్దామా! - 'బరువు తగ్గించే దోశలు'
హోటల్ స్టైల్లో రవ్వ ఊతప్పం - ఈజీగా అప్పటికప్పుడు ఇలా చేసుకోవచ్చు!
