రైల్వే గ్రూప్​-D నోటిఫికేషన్ వచ్చేసింది - టెన్త్‌/ఐటీఐతో ఉద్యోగాలకు దరఖాస్తులు

రైల్వేలో 32,438 గ్రూప్‌-డి పోస్టులు భర్తీకి నోటిఫికేషన్ - నేటి నుంచి దరఖాస్తు ప్రక్రియ ప్రారంభం

Railway Group D Recruitment 2025 : రైల్వే జాబ్స్​ కోసం ప్రిపేర్ అవుతున్న అభ్యర్థులకు శుభవార్త. రైల్వే శాఖలోని పలు విభాగాల్లో దాదాపు 32 వేలకు పైగా లెవెల్‌ -1 (గ్రూప్‌ డి) ఉద్యోగాల భర్తీకి దరఖాస్తుల ప్రక్రియ ప్రారంభమైంది. పదో తరగతి /ఐటీఐ విద్యార్హతతో గ్రూప్‌-డి లెవెల్‌ -1 కేటగిరీలో వివిధ విభాగాల్లో మొత్తం 32,438 ఉద్యోగాల భర్తీకి నోటిఫికేషన్‌ విడుదలైంది. అర్హులైన, ఆసక్తి కలిగిన అభ్యర్థులు నేటి (జనవరి 23) నుంచి ఫిబ్రవరి 22 వరకు దరఖాస్తు చేసుకోవచ్చు.

నోటిఫికేషన్‌లో కొన్ని ముఖ్యాంశాలు :

వయో పరిమితి :

జనవరి 1, 2025 నాటికి అభ్యర్థుల వయస్సు 18-36 ఏళ్ల మధ్య ఉండాలి. నిబంధనల ప్రకారం ఎస్సీ/ఎస్సీ/ఓబీసీ/పీహెచ్‌/ఎక్స్‌ సర్వీస్‌మెన్‌ కేటగిరీల కింద అభ్యర్థులకు వయో సడలింపు (Age relaxation) ఉంటుంది.

విద్యార్హతలు:

పదో తరగతి ఉత్తీర్ణత/ఐటీఐ లేదా తత్సమాన విద్యార్హత లేదా NCVT జారీ చేసిన నేషనల్‌ అప్రెంటిస్‌షిప్‌ సర్టిఫికెట్‌ కలిగిన అభ్యర్థులు ఉద్యోగాలకు అర్హులు.

rrb notification (ETV Bharat)

పోస్టుల వివరాలు:

• సిగ్నల్‌ అండ్‌ టెలీకమ్యూనికేషన్‌ (ఎస్‌ అండ్‌ టీ)
• మెకానికల్‌, ఇంజినీరింగ్‌, ఎలక్ట్రికల్‌, ట్రాఫిక్‌ తదితర విభాగాల్లో అసిస్టెంట్‌ (ఎస్‌ అండ్‌ టీ)
• వర్క్‌షాప్‌ అసిస్టెంట్‌, అసిస్టెంట్‌ లోకోషెడ్‌ (డీజిల్‌/ఎలక్ట్రికల్‌/) పాయింట్స్‌మన్‌
• అసిస్టెంట్‌ ఆపరేషన్స్‌ (ఎలక్ట్రికల్‌)
• అసిస్టెంట్‌ ట్రాక్‌ మెషిన్‌, ట్రాక్‌ మెయింటెయినర్‌ తదితర పోస్టులు ఉన్నాయి.
• ప్రారంభ వేతనం: నెలకు రూ.18 వేలు చొప్పున అందిస్తారు.

ఉద్యోగ ఎంపిక ఇలా :

• కంప్యూటర్ ఆధారిత పరీక్ష (CBT)
• ఫిజికల్ ఎఫిషియెన్సీ టెస్ట్ (PET)
• డాక్యుమెంట్ వెరిఫికేషన్ (DV), మెడికల్ ఎగ్జామినేషన్ ఆధారంగా సెలెక్ట్​ చేస్తారు.

పరీక్ష ఎలా ఉంటుంది?

ఇది కంప్యూటర్‌ ఆధారిత ఎగ్జామ్​. 90 నిమిషాల పాటు జరిగే ఈ ఎగ్జామ్​లో మొత్తం 100 ప్రశ్నలు ఉంటాయి. జనరల్‌ సైన్స్‌ నుంచి 25 ప్రశ్నలు, మ్యాథమెటిక్స్‌ నంచి 25, జనరల్‌ ఇంటెలిజెన్స్‌ అండ్‌ రీజనింగ్‌ - 30, జనరల్‌ అవేర్‌నెస్‌ అండ్‌ కరెంట్‌ అఫైర్స్‌ 20 చొప్పున ప్రశ్నలు అడుగుతారు. తప్పు సమాధానం రాస్తే 1/3 మార్కుల మైనస్​ చేస్తారు.

అప్లికేషన్​ ఫీజు :

• జనరల్ కేటగిరీ అభ్యర్థులకు రూ.500
• దివ్యాంగులు/మహిళలు, ట్రాన్స్‌జెండర్లు/ఎక్స్‌సర్వీస్‌మెన్‌/ఎస్సీ/ఎస్టీ/మైనార్టీ వర్గాలు/ఈబీసీలు రూ.250 చొప్పున చెల్లించాలి.
• ఎగ్జామ్​కు హాజరయ్యాక జనరల్‌ కేటగిరీ అభ్యర్థులకు రూ.400లు, మిగతా వారికి రూ.250లు రిఫండ్‌ చేస్తారు.

అప్లికేషన్​లో ఏదైనా మార్పులు చేయాలనుకుంటే ఫిబ్రవరి 25 నుంచి మార్చి 6 రాత్రి 11.59 గంటల వరకు అవకాశం కల్పించారు. దీనికోసం రూ.250 (నాన్‌ రిఫండబుల్‌) చెల్లించాల్సి ఉంటుంది. మార్చి 6 తర్వాత అప్లికేషన్​లో మార్పులకు ఎలాంటి అవకాశం ఉండదు.

అప్లై చేసేటప్పుడు ఏదైనా సమస్య తలెత్తితే హెల్ప్‌లైన్‌ నంబర్లు 0172-565-3333, 9592001188కు కాల్‌ చేయవచ్చు. లేదా rrb.help@csc.gov.in ఈ- మెయిల్‌ ద్వారా హెల్ప్​ పొందొచ్చు. ఉదయం 10గంటల నుంచి సాయంత్రం 5గంటల వరకు (పని దినాల్లో మాత్రమే) ఫోన్​ చేయాలి.

రైల్వే జోన్‌ల వారీగా భర్తీ చేసే జాబ్స్​, వయో పరిమితిలో రిజర్వేషన్లు, రిక్రూట్‌మెంట్‌కు సంబంధించిన పూర్తి వివరాలతో ఉన్న బుక్‌లెట్‌ ఇక్కడ క్లిక్​ చేసి డౌన్‌లోడ్‌ చేసుకోండి.