சாலையில் விளையாடிய சிறுவர்களுக்கு அறிவுரை வழங்கிய காவலர்!

தமிழ்நாட்டில் தற்போது தளர்வுகளற்ற ஊரடங்கு அமலில் உள்ளது. அத்தியாவசியத் தேவையின்றி வெளியே சுற்றுபவர்களுக்கு காவல்துறையினர் அறிவுரை வழங்குவதோடு, எச்சரித்து வருகின்றனர். இந்த நிலையில், திண்டுக்கல் மாவட்டம், பழனி புறநகர் பகுதியிலுள்ள கிராமத்தில், எவ்வித பயம் இன்றி, முகக்கவசம் அணியாமல் சாலையில் சிறுவர்கள் விளையாடிக்கொண்டிருந்தனர். அப்போது அவ்வழியே வந்த மகளிர் காவல் ஆய்வாளர் குணசுந்தரி, விளையாடிய இரண்டு சிறுவர்களை அழைத்து, கரோனா, அதன் தாக்கம் குறித்து அவர்களுக்கு எடுத்துரைத்து, அறிவுரை வழங்கி அனுப்பி வைத்தார்.