சென்னை: குரூப் -2 முதன்மை தேர்வுகளுக்கான நுழைவு சீட்டை (ஹால் டிக்கெட்) விண்ணப்பதாரர்கள் பதிவிறக்கம் செய்து கொள்ளலாம் என்று தமிழ்நாடு அரசுப் பணியாளர்கள் தேர்வாணையம் (டிஎன்பிஎஸ்சி) தெரிவித்துள்ளது.
ஒருங்கிணைந்த குடிமைப் பணிகள் தேர்வு-II (தொகுதி II மற்றும் IIA பணிகள்) பணிகளுக்கான கொள்குறி வகை முதல்நிலை தேர்வு (OMR) 14.09.2024 அன்று முற்பகல் நடைபெற்றது. தற்போது முதன்மைத் தேர்வு தாள் - II பொதுஅறிவு மற்றும் பொது திறனறிவும் நுண்ணறிவும் மற்றும் மொழி (பொதுத்தமிழ் அல்லது பொது
ஆங்கிலம்) கொள்குறி வகை தேர்வு (OMR) 08.02.2025 முற்பகலில், தாள் - 1 தமிழ்மொழி தகுதித் தேர்வு (Descriptive) அன்றைய தினம் பிற்பகலும் நடைபெற உள்ளது.
அதனைத் தொடர்ந்து தொகுதி II பணிகளுக்கான (Group-II Services) பொதுஅறிவு தாள் - II (Descriptive) தேர்வு 23.02.2025 அன்று முற்பகல் நடைபெற உள்ளது.
இத்தேர்வுகளை எழுத தேர்வு எழுத அனுமதிக்கப்பட்ட விண்ணப்பதாரர்களின் நுழைவு சீட்டு (Hall Ticket) தேர்வாணையத்தின் இணையதளமான www.tnpsc.gov.in மற்றும் www.tnpscexams.in-ல் பதிவேற்றம் செய்யப்பட்டுள்ளது.
விண்ணப்பதாரர்கள் தங்களுடைய ஒருமுறை பதிவேற்றம் (OTR DASHBOARD) மூலமாக மட்டுமே அவர்களது விண்ணப்ப எண் மற்றும் பிறந்த தேதியை உள்ளீடு செய்து தேர்வுக்கூட நுழைவு சீட்டினை (Hall Ticket) பதிவிறக்கம் செய்துகொள்ளலாம் என்ற தமிழ்நாடு அரசுப் பணியாளர்கள் தேர்வாணையம் (TNPSC) தெரிவித்துள்ளது.
