கும்பக்கரை அருவியில் வெள்ளப்பெருக்கு - 7ஆவது நாளாக குளிக்கத் தடை நீட்டிப்பு!

தேனி : பெரியகுளம் அருகே மேற்குத் தொடர்ச்சி மலை அடிவாரத்தில் உள்ள கும்பக்கரை அருவிக்கு கொடைக்கானல் மலைப்பகுதியிலிருந்து தண்ணீர் வருகிறது. கொடைக்கானல் மலைப்பகுதியில் கடந்த சில நாட்களாக பெய்து வரும் கனமழையால் கும்பக்கரை அருவியில் நீர்வரத்து அதிகரித்து வெள்ளப்பெருக்கு ஏற்பட்டுள்ளது. இதனால் சுற்றுலாப் பயணிகளின் பாதுகாப்பு கருதி கும்பக்கரை அருவியில் குளிக்க சுற்றுலாப் பயணிகளுக்கு 7ஆவது நாளாக வனத்துறையினர் தடை விதித்துள்ளனர்.