உடல் பருமனுக்கு ஆயுர்வேத மருத்துவர்கள் என்ன சொல்கிறார்கள்?

ஆங்கிலத்தில் ஒபிசிட்டி எனப்படும் உடல் பருமன், ஒவ்வாமை ஆகியவற்றை கட்டுக்குள் வைத்திருக்க ஆயுர்வேதம், யுனானி மற்றும் நவீன மருத்துவர்கள் வாழ்க்கை முறை மாற்றம் கட்டாயம் என வலியுறுத்துகின்றனர்.

அலிகார் முஸ்லீம் பல்கலைக்கழகத்தில் (Aligarh Muslim University) இதுகுறித்தான விவாதம் நடைப்பெற்றது. அதில் உடல் பருமன் மற்றும் ஒவ்வாமையை கட்டுப்படுத்துவது குறித்து கலந்தாலோசிக்கப்பட்டது. பருமனை தடுப்பதற்கான மருந்துகள் மற்றும் சிகிச்சை முறைகள் குறித்து இந்தக் கூட்டத்தில் ஆலோசிக்கப்பட்டது.

இதில் பேசிய பல்கலைக்கழக துணை வேந்தர் தாரிக் மன்சூர், "வாழ்க்கை முறையினால் ஏற்படும் உடல் பாதிப்புகளை குணப்படுத்துவதற்கு பாரம்பரிய மற்றும் நவீன மருத்துவத்தை இணைத்து புதிய வழிகளை கண்டுபிடிக்க வேண்டு்ம்.

இருப்பினும் இந்த முறைகளை அனைத்து நோய்களுக்கும் குறிப்பாக அபாயகரமான வெகு நாள்கள் இருக்கும் நோய்களுக்கு பயன்படுத்தமுடியாது. கரோனா தொற்று பரவியதிலிருந்து பல்வேறு வகையான ஆராய்ச்சிகளை அரசு ஊக்குவித்து வருகிறது" என்றார்.

ஆயுர்வேத முறைபடி உடல் பருமனுக்கான சிகிச்சை, தடுப்பு முறைகள் குறித்து டெல்லியில் உள்ள அகில இந்திய ஆயுர்வேத நிறுவனத்தில் (All India Institute of Ayurvedic, New Delhi) பணியாற்றும் பேராசிரியர் ஜோனாஸ் பேசினார். வாழ்க்கை முறையில் மாற்றங்கள் மற்றும் தினசரி உணவில் மாற்றம் ஆகியவை வளர்சிதை மாற்றத்தை அதிகரிக்கும் என்றார்.

ஆயுர்வேத மருத்தும் ஆரோக்கியமான ஊட்டச்சத்து, மன அழுத்தத்தை குறைப்பது, சீரான வாழ்க்கை முறையை கவனத்தில் கொள்வதால், பலர் உடல் எடையை குறைக்க முற்படும்போது ஆயுர்வேத உணவு கொள்கைகளையும் இயற்கை வைத்தியங்களையும் கவனத்தில் கொள்கிறார்கள். மேற்கத்திய நாடுகளில் ஆயுர்வேத மருத்துவத்தையும், சிகிச்சையையும் மக்கள் அவர்களின் சுகாதாரத்தில் ஒரு பங்காக கருதுகிறார்கள்.

யுனானி மருத்துவத்தில் உடல் பருமன் விரைவில் குணப்படுத்த முடியாத நோயாக கருதப்படுவதாக மருத்துவர் பரஸ் வானி தெரிவித்தார். சரியான, சீரான ஊட்டச்சத்து, உடற்பயிற்சி போன்றவற்றை மேற்கொள்வது மூலம் உடல்பருமனை தடுக்கலாம் என்றார்.

வாழ்க்கை முறையில் ஏற்படும் நோய்களுக்கு எப்படி உடல் பருமன் மூலக்காரணமாக இருக்கிறது என விவரிக்கிறார். உடல் பருமன் இருதய நோய், உயர் இரத்த அழுத்தம், பிசிஓடி எனப்படும் மாதவிடாய் கோளாறு போன்ற நோய்களுக்கு வித்திடுகிறது. உணவு, வாழ்க்கை முறை போன்றவற்றால் உடல் பருமனை சீர் செய்ய முடியும் என்கிறார் மருத்துவர் உவைஸ். ஒவ்வாமை உள்ளவர்கள் சில உணவுகளாக இஞ்சி, சிட்ரஸ் பழங்கள், மஞ்சள், வெங்காயம் போன்ற உணவுகளை தவிர்க்கவேண்டும் என்கிறார் மருத்துவர் ரூபி.

தனிநபருக்கு ஏற்படும் ஒவ்வாமைகள் பொதுவாக சருமத்திலும், சுவாசத்திலும் ஏற்படலாம். குறிப்பாக தோலில் ஏற்படும் சொறி, படை, ஆஸ்துமா, உணவு ஒவ்வாமை போன்றவற்றில் காணப்படும். ஒவ்வாமைக்கான ஆயுர்வேத சிகிச்சை மூலம், தனிநபருக்கு ஏற்படும் ஒவ்வாமைக்கு சிகிச்சை அளிக்கலாம் என்றார் மருத்துவர் திவ்யா கஜாரியா.

மருத்துவர் நஃபீஸ் கான், ஒவ்வாமை நோய்கள் குறித்து ஏற்படுத்தவேண்டிய விழிப்புணர்வு குறித்து பேசினார். ஒவ்வாமை குறித்து விழிப்புணர்வு ஏற்படுத்தும் நிகழ்ச்சிகள் நோய் தடுப்பு, கட்டுப்பாடு, அது பொருளாதாரத்தில் ஏற்படுத்தும் பாதிப்பு குறித்து பேச வேண்டும் என வலியுறுத்தினார்.

இதையும் படிங்க: உடல் பருமன் எதிர்ப்பு தினம்: காரணங்களும், தீர்வுகளும்!