விருதுநகரில் வி.வி.வன்னியபெருமாள் தனியார் பெண்கள் கல்லூரியில் 58ஆவது ஆண்டு, விளையாட்டு விழா நடைபெற்றது. இதில் விருதுநகர் தாலுக்காவைச் சேர்ந்த பல கல்லூரி மாணவிகள் கலந்துகொண்டனர்.
இவ்விழாவில் ஸ்மார்ட் 7 வெல்னஸ் சென்னை நிறுவனத்தின் தலைவர் விஜய், மதுரை காமராஜர் பல்கலைக்கழக உடற்கல்வி இயக்குநர் வி.ஜெயவீரபாண்டியன் ஆகியோர் சிறப்பு விருந்தினர்களாக கலந்துகொண்டனர்.
விழாவில் பெண்கள் மேம்பாடு, உடல் ஆரோக்கியம் குறித்து சிறப்பு விருந்தினர்கள் சிறப்புரை ஆற்றினர். இவ்விளையாட்டு விழாவில் ஏராளமான மாணவிகள் உயரம் தாண்டுதல், மிதிவண்டி பந்தயம், 100 மீட்டர் ஓட்டப் பந்தயம் உள்ளிட்ட பல போட்டிகளில் பங்கேற்றனர்.
வெற்றிபெற்றவர்களுக்கு கல்லூரியின் தலைவர் ஓ.எம்.எஸ்.ஆர்.ஜே. மகேஷ் பாபு பரிசுகளை வழங்கினார்.. இவ்விளையாட்டுப் போட்டிகளில் 500க்கும் அதிகமான கல்லூரி மாணவிகள் ஆர்வமாக கலந்துகொண்டனர். மேலும் இதுபோன்ற போட்டிகள் உடல் மற்றும் மன வலிமையை அதிகரிப்பதாக போட்டியில் பங்கேற்ற மாணவிகள் தெரிவித்தனர்.
இதையும் படிங்க: திருச்சியில் டேபிள் டென்னிஸ் போட்டி - அசத்திய லிட்டில் சாம்பியன்ஸ்
