விருதுநகரில் தமிழ்நாடு கூடைப்பந்தாட்ட அசோசியேஷன் சார்பாக 13 வயதுக்குட்பட்ட பள்ளி மாணவ-மாணவியருக்கான மாநில அளவிலான கூடைப்பந்தாட்ட போட்டி கடந்த 10ஆம் தேதி தொடங்கியது. இதில் மாநிலம் முழுவதிலுமிருந்து 33 மாவட்டங்களைச் சேர்ந்த 800-க்கும் மேற்பட்ட பள்ளி மாணவ மாணவியர் கலந்துகொண்டனர்.
கூடைப்பந்தாட்டப் போட்டிகள் நாக்அவுட் முறையில் நடைபெற்றது. இந்தத் தொடரின் இறுதிப் போட்டியில் மாணவர் பிரிவில் திருவாரூர், தூத்துக்குடியைச் சேர்ந்த பள்ளி அணிகள் மோதின. இதில் தூத்துக்குடி அணி 59-க்கு 45 என்ற கோல் கணக்கில் வெற்றிபெற்றது.
அதேபோல் மாணவிகள் பிரிவில் சேலம் அணியும், கோயம்புத்தூர் அணியும் மோதின. இதில் சேலம் அணி 70-க்கு 66 என்ற கோல் கணக்கில் வெற்றிபெற்றது. வெற்றிபெற்ற மாணவ மாணவியருக்கு பரிசு கோப்பைகளையும், சான்றிதழ்களையும் மாவட்ட காவல் கண்காணிப்பாளர் ராசராஜன் வழங்கினார்.
