விருதுநகர் மாவட்டம், திருச்சுழி, காரியாபட்டி, நரிக்குடி கிராமங்கள் வனப்பகுதியை ஒட்டியுள்ளன. இந்த வனப்பகுதியில் இருந்து வரும் மான்கள், முயல்கள், மயில்கள் அவ்வபோது கிராமத்திற்குள் புகுந்து தாக்குதல்களுக்கு உள்ளாகின்றன. இந்நிலையில் திருச்சுழி அடுத்த தமிழ்பாடி கிராமத்திற்கு வனப்பகுதியில் இருந்து வந்த புள்ளி மான்குட்டி ஒன்று தவறுதலாக கிணற்றில் விழுந்து உயிருக்கு போராடுவதைப் பார்த்த கிராம மக்கள், கிணற்றில் இறங்கி மீட்டனர்.
பின்னர் இது குறித்து வனத்துறையினருக்கு தகவல் கொடுத்தனர். தகவலறிந்து சம்பவ இடத்திற்கு வந்த வனத்துறையினர் காயங்களுடன் மீட்கப்பட்ட மானுக்கு சிகிச்சை அளித்து வனப்பகுதியில் விட்டனர்.
