விருதுநகர் மாவட்டம் ஸ்ரீவில்லிபுத்தூர் அருகேவுள்ள மேற்கு தொடர்ச்சி மலைப் பகுதியில் தரை மட்டத்தில் இருந்து சுமார் 4500 அடி உயரத்தில் பிரசித்தி பெற்ற சதுரகிரி சுந்தர மகாலிங்கம் கோயில் அமைந்துள்ளது.
இந்த கோயிலுக்கு அமாவாசை 4 நாள்கள், பெளர்ணமி 4 நாள்கள் என மொத்தம் 8 நாள்கள் மட்டும் பக்தர்கள் செல்ல வனத் துறை சார்பில் அனுமதியளிக்கப்பட்டுள்ளது.
கோயிலில் குவிந்த பக்தர்கள்:
இந்நிலையில் மார்கழி பிரதோஷம், பவுர்ணமியை முன்னிட்டு கடந்த 27ஆம் தேதி முதல் நாளை வரை மொத்தம் 4 நாள்கள் மட்டுமே பக்தர்கள் கோயிலுக்குச் செல்ல கோயில் நிர்வாகம் அனுமதி வழங்கியுள்ளது.
இதைத் தொடர்ந்து, இன்று (டிச.29) மார்கழி பௌர்ணமி என்பதால் அதிகாலை முதலே ஆயிரக்கணக்கான பக்தர்கள் சதுரகிரி கோயிலுக்கு மலையேறி சாமி தரிசனம் செய்து வருகின்றனர்.
இதையும் படிங்க: திருநெல்வேலி செப்பறை அழகிய கூத்தர் கோயில் தேரோட்டம்!
