விழுப்புரம் மாவட்டத்தைச் சேர்ந்தவர் செல்வகுமார். பட்டதாரியான இவர், காந்தி சிலை அருகே கடந்த 20 ஆண்டுகளுக்கும் மேலாக ராம் பிராய்லர் என்ற பெயரில் கோழிக்கறி கடை நடத்திவருகிறார்.
இந்நிலையில், தற்போது அதிகரித்துவரும் கரோனா பரவலால் பொதுமக்கள் கட்டாயம் முகக்கவசம் அணியவேண்டும் என்பதை உணர்ந்த இவர், தனது கடைக்கு கோழிக்கறி வாங்கவரும் அனைத்து வாடிக்கையாளர்களுக்கும், இலவசமாக மாஸ்க் வழங்கிவருகிறார்.
இதற்காக 10 ஆயிரம் முகக்கவசங்கள் வாங்கி வைத்துள்ளதாகவும், இதனை தினந்தோறும் தனது கடைக்கு கோழிக்கறி வாங்க வரும் வாடிக்கையாளர்களுக்கு வழங்குவதாகவும் அவர் தெரிவித்தார். இவரின் இந்த வித்தியாசமான விழிப்புணர்வு முயற்சியை வாடிக்கையாளர்கள் வெகுவாக பாராட்டி வருகின்றனர்.
இதையும் படிங்க:மாஸ்க் அணியச் சொன்ன பேரூராட்சிப் பணியாளர்: கன்னத்தில் அறைந்து ரகளையில் இறங்கிய நபர்
