அரசு பேருந்தும் ஆட்டோவும் நேருக்கு நேர் மோதிய விபத்து - இரண்டு பேர் உயிரிழப்பு!

விழுப்புரம்: திருக்கோவிலூர் அருகே உள்ள கண்டாச்சிபுரத்தில் அரசு பேருந்தும் ஆட்டோவும் நேருக்கு நேர் மோதியதில் ஆட்டோவில் பயணித்த இருவர் உயிரிழந்த சம்பவம் பெரும் சோகத்தை ஏற்படுத்தியுள்ளது.

விழுப்புரத்திலிருந்து கண்டாச்சிபுரம் வழியாக நல்லப்பாளையும் நோக்கி சென்ற அரசு பேருந்து (தடம் எண் 7) கண்டாச்சிபுரம் காவலர் குடிருப்பு அருகே வந்தபோது எதிர்பாராத விதமாக அவ்வழியே வந்த ஆட்டோ மீது நேருக்கு நேர் மோதியது. இந்த விபத்தில் ஆட்டோ ஓட்டுநர் ஸ்ரீ ராம்(25) ஆட்டோவில் பயணித்த சவரிமுத்து(27) ஆகியோர் சம்பவ இடத்திலேயே உயிரிழந்தனர்.

மேலும், ஆட்டோவில் பயணம் செய்து பலத்த காயமடைந்த நான்கு பேரை கண்டாச்சிபுரம் போலீசார் மீட்டு மேல் சிகிச்சைக்காக முண்டியம்பாக்கம் அரசு மருத்துவமனைக்கு அனுப்பிவைத்தனர். இந்த விபத்து குறித்து வழக்குப்பதிவு செய்த கண்டாச்சிபுரம் காவல்துறையினர் விசாரணை நடத்தி வருகின்றனர்.