தமிழ்நாடு முழுவதும் வட்டாரப் போக்குவரத்து அலுவலகங்களில் லஞ்சம் தலைவிரித்தாடுவதாக சமூக ஆர்வலர்கள் தொடர்ந்து குற்றம்சாட்டிவருகின்றனர்.
இந்நிலையில் வேலூர் வட்டாரப் போக்குவரத்து அலுவலகத்தில் லஞ்ச ஒழிப்பு துறையினர் இன்று காலை அதிரடி சோதனை மேற்கொண்டனர். லஞ்ச ஒழிப்புத் துறையின் துணை கண்காணிப்பாளர் சரவணக்குமார் தலைமையில் நடைபெற்ற இந்தச் சோதனையில் கட்டுக் கட்டாக கணக்கில் வராத பணம் பறிமுதல் செய்யப்பட்டது.
வேலூர் போக்குவரத்து அலுவலகத்தில் லஞ்ச ஒழிப்பு துறையினர் சோதனை
இதுவரை சுமார் ஒரு லட்சம் ரூபாய் பறிமுதல் செய்யப்பட்டுள்ளதாகவும் சோதனையின் முடிவில் வேலூர் வட்டார போக்குவரத்து அலுவலர் ராமகிருஷ்ணன் மற்றும் மோட்டார் வாகன ஆய்வாளர்களிடமும் விசாரணை நடத்த திட்டமிட்டுள்ளதாக லஞ்ச ஒழிப்பு துறையினர் தெரிவித்துள்ளனர்.
