ஓடும் ரயிலில் குட்கா விற்பனை - இருவர் கைது..!

திருப்பத்தூர்: ஓடும் ரயிலில் குட்கா, பான் மசாலா விற்பனை செய்த இருவரை ரயில்வே காவல் துறையினர் கைது செய்து சிறையில் அடைத்தனர்.

ராணிபேட்டை மாவட்டம் அரக்கோணம் பகுதியைச் சேர்ந்தவர்கள் லோகேஷ், சங்கர். இவர்கள் இருவரும் காட்பாடி ரயில் நிலையத்திலிருந்து கன்னியாகுமரி - அஸ்ஸாம் வரை செல்லும் விவேக் விரைவு ரயிலில் ஏறினர். அப்போது, விற்பனை செய்ய தடை விதிக்கப்பட்டிருக்கும் குட்கா, பான் மசாலா ஆகியவற்றை எடுத்து வந்துள்ளனர்.

இந்நிலையில், விரைவு ரயில் ஜோலார்பேட்டை ரயில் நிலையத்திற்கு வந்தபோது ரயில்வே காவல் துறையினர் ரயில் பெட்டிகளில் சோதனை நடத்தினர். அப்போது, சந்தேகத்திற்கு இடமாக நின்று கொண்டிருந்த இவர்கள் இருவரையும் பிடித்து சோதனை செய்தனர். அதில், அவர்களிடம் 10 கிலோ அளவிலான குட்கா, பான்மசாலா இருந்தது தெரியவந்தது.

இதனைத் தொடர்ந்து, காவல் துறையினர் குட்காவை பறிமுதல் செய்து இருவரையும் கைது செய்து திருப்பத்தூர் ஒருங்கிணைந்த நீதிமன்றத்தில் ஆஜர்படுத்தி சிறையில் அடைத்தனர்.

இதையும் படிங்க: