வேலூரில் ஆலங்கட்டி மழை! மக்கள் மகிழ்ச்சி - hot

வேலூர்: கடந்த இரு மாதங்களாக வேலூரில் வெயில் வாட்டி வதைத்து வந்த நிலையில், நேற்றிரவு திடீரென இடி மின்னலுடன் கூடிய ஆலங்கட்டி மழை பெய்தது. இதனால் அங்கு வெப்பம் தணிந்து குளிர்ச்சி நிலவியது.

hail-rain-vellore

Published : May 6, 2019, 10:47 AM IST

தமிழ்நாட்டில் கடந்த இரண்டு மாத காலமாக வெயில் வாட்டிவதைத்துவருகிறது. வேலூரில் வெயில் காலத்தில் அதிகளவில் வெப்பம் நிலவும். தற்போதைய சூழ்நிலையில் இங்கு அதிகபட்சமாக 111 டிகிரி வெயில் பதிவாகி வருகிறது. இதனால் இம்மாவட்ட மக்கள் வெயிலால் கடுமையாக பாதிக்கப்பட்டுள்ளனர்.

குறிப்பாக பெண்கள், குழந்தைகள் உள்ளிட்டோர் வெளியே செல்ல முடியாமல் தவித்துவருகின்றனர். மேலும், அனல் காற்று வீசுவதால் வாகன ஓட்டிகளும் மிகுந்த சிரமத்திற்கு ஆளாகிவருகின்றனர்.

இந்நிலையில், நேற்று 110 டிகிரி வெயில் பதிவாகி இருந்த நிலையில், இரவு 9 மணியளவில் திடீரென இடி மின்னலுடன் கூடிய கனமழை பெய்தது. வேலூர், அதன் சுற்றுவட்டாரப் பகுதிகளில் அரை மணி நேரம் பலத்த மழை பெய்தது.

இன்னும் சில இடங்களில் ஆலங்கட்டி மழை பெய்தது. இதனைக் கையில் எடுத்து குழந்தைகள் விளையாடினர். இதனால் வெப்பம் சற்று தணிந்து குளிர்ச்சி நிலவியதால் மக்கள் மகிழ்ச்சியடைந்தனர். மேலும், தொடர்ந்த மழை நீடிக்க வேண்டும் என இப்பகுதி மக்கள் எதிர்பார்க்கின்றனர்.

Intro:வேலூரில் இன்று வெயில் 110 டிகிரி சுட்டெரித்த நிலையில்

இரவில் திடீரென கன மழை கொட்டி தீர்த்தது

Body:தமிழகத்தில் ஆண்டுதோறும் பிற மாவட்டங்களை காட்டிலும் வேலூர் மாவட்டத்தில் வெயில் தாக்கம் அதிகரித்துக் காணப்படுவது வழக்கம் அதாவது இங்கே அதிகபட்சம் 116 டிகிரி ஃபாரன்ஹீட் வரை கோடை காலத்தில் வெயில் பதிவாகும் அந்த வகையில் கடந்த ஒரு மாதமாக வேலூர் மாவட்டத்தில் கடும் வெயில் மக்களை வாட்டி வதைத்து வருகிறது தற்போதைய சூழ்நிலையில் இங்கு அதிகபட்சம் 111 டிகிரி வெயில் பதிவாகி வருகிறது இதனால் இம்மாவட்ட மக்கள் கடுமையாக பாதிக்கப்பட்டுள்ளனர் குறிப்பாக பெண்கள் உள்ளிட்ட பொதுமக்கள் வெளியே செல்ல மிகவும் சிரமப்படுகின்றனர் சாலைகளில் அனல் காற்று சுட்டெரிப்பதால் வாகன ஓட்டிகள் கடும் இன்னல்களை சந்தித்து வருகின்றனர் வேலூரில் இன்றும் வழக்கம்போல் வெயிலின் தாக்கம் அதிகரித்து காணப்பட்டது அதன்படி இன்று 110 டிகிரி பாரன்ஹீட் வெயில் பதிவாகி இருந்தது இந்த சூழ்நிலையில் இன்று இரவு 9 மணி அளவில் திடீரென வேலூரில் கடும் இடி மின்னலுடன் பலத்த மழை பெய்தது வெப்பத்தை சமாளிக்க வீட்டிற்கு வெளியே அமர்ந்து கதை பேசிக் கொண்டிருந்த பொதுமக்கள், திடீரென பெய்த கனமழையை கண்டு மகிழ்ச்சி அடைந்தனர் சுமார் அரை மணி நேரம் வேலூர் மற்றும் அதன் சுற்றுவட்டார பகுதிகளில் பலத்த மழை நீடித்தது சில இடங்களில் ஆலங்கட்டி மழை செய்தது வானத்தில் இருந்து விழுந்த பனிக் கட்டிகளை எடுத்து பொதுமக்கள் ஆச்சரியத்துடன் பார்த்தனர் இதேபோல் ஆம்பூர் குடியாத்தம் உள்ளிட்ட வேலூர் மாவட்டத்தின் பிற இடங்களிலும் இன்று மழை பெய்தது கடும் வெப்பத்திற்கிடையே வேலூரில் இன்று பெய்த கனமழையால் வெப்பம் சற்று குறைந்து குளிர்ச்சி நிலவி வருகிறது இதனால் வேலூர் மக்கள் மகிழ்ச்சி அடைந்துள்ளனர் மேலும் தொடர்ந்து மழை நீடிக்க வேண்டும் என இப்பகுதி மக்கள் எதிர்பார்க்கின்றனர்

Conclusion:

For All Latest Updates