வேலூர் மாவட்டத்தில் பொதுமக்களுக்குத் தேவையான அத்தியாவசிய பொருள்கள் இருப்பு குறித்து இன்று மாவட்ட ஆட்சியர் தலைமையில் அனைத்து வணிகர் சங்கங்கள், காய்கறி விற்பனை, கூட்டுறவு சங்கம், அனைத்துத் துறை அரசு அலுவலர்களுடனான ஆலோசனை கூட்டம் நடைபெற்றது.
இதில் ஒருசிலர் அத்தியாவசிய பொருள்களை அதிக விலைக்கு விற்பதாக எழுப்பிய குற்றச்சாட்டினால் அத்தியாவசிய பொருள்களுக்கு மாவட்டம் முழுவதும் சீரான விலை நிர்ணயம் செய்து மாவட்ட ஆட்சியர் சண்முக சுந்தரம் உத்தரவிட்டார்.
விவசாயிகள் தங்கு தடையின்றி 4 சக்கர வாகனம் மூலம் பொருள்களை எடுத்து செல்லலாம், இடையில் ஏதேனும், இடர்பாடுகள் ஏற்பட்டால், மாவட்ட காவல் துணை கண்காணிப்பாளர் அலைபேசி எண்ணிற்கு (9498147746) தொடர்பு கொள்ளலாம். மேலும் மாவட்ட ஆட்சியர் அலுவலகத்தில் உள்ள (0416 - 2258016, 9154153692) கட்டுப்பாட்டு அறைக்கும் தொடர்பு கொள்ளலாம் எனத் தெரிவித்தார்.
இதையும் படிங்க: நோய் எதிர்ப்புச் சக்தியைப் பெருக்கும் 6 வகை பழங்கள் அடங்கிய தொகுப்பு விற்பனைத் தொடக்கம்!
