வேலூர் மாவட்டம் ஆம்பூர் பேருந்து நிலையம், ரயில் நிலையம், பஜார் உள்ளிட்ட முக்கிய பகுதிகளில் கடந்த 2 மாதங்களில் 24 இருசக்கர வாகனங்கள் திருடப்பட்டுள்ளன. இந்நிலையில், ஆம்பூர் பஜார் பகுதியில் கடந்த 20ஆம் தேதி வாடிக்கையாளர் ஒருவர் நிறுத்தி வைக்கப்பட்டிருந்த இருசக்கர வாகனத்தை அடையாளம் தெரியாத நபர் ஒருவர் கள்ளச்சாவி போட்டு திருடிச்சென்றார்.
இந்த திருட்டு காட்சி சமூக வலைத்தளங்களில் பரவி வந்த நிலையில், ஆம்பூர் நகர காவல் நிலையம் சார்பில் பொருத்தி வைக்கப்பட்டிருந்த சிசிடிவி கேமரா காட்சி மூலம் காவல்துறையினர் கண்காணித்து வந்தனர். அப்போது, வாகனத்தை திருடிச்சென்றது பெரிய வெங்கடசமுத்திரம் பகுதியைச் சேர்ந்த வளையல் வியாபாரி சேட்டு என்பது தெரியவந்தது.
உடனடியாக சேட்டுவை கைது செய்த ஆம்பூர் நகர காவல்துறையினர் வழக்குப் பதிவு செய்து இந்த இருசக்கர வாகனத்தை மட்டும் திருடி சென்றாரா அல்லது இதுவரையில் களவு போன இருசக்கர வாகன திருட்டுக்கு இவர் தான் காரணமா என்று பல்வேறு கோணங்களில் விசாரணை மேற்கொண்டு வருகின்றனர்.
இதையும் படிங்க:
தனியார் வங்கி ஏடிஎம்மில் திருட்டு முயற்சி - காவல்துறையினர் விசாரணை!
