திருச்சி: துவரங்குறிச்சி அடுத்த களத்துப்பட்டியைச் சேர்ந்தவர், அன்பு (எ) நேரு. இவர் தனது தென்னந்தோப்பில் 25 ஆண்டுகளாக வளர்த்து வந்த செம்மரம் வெட்டப்பட்டு அடிமரம் காணாமல் போனதைக் கண்டு அதிர்ச்சி அடைந்துள்ளார். இதையடுத்து 10 லட்சம் மதிப்புள்ள செம்மரத்தை மீட்டுத்தரக்கோரியும், மரத்தை கடத்திச் சென்ற அடையாளம் தெரியாத நபர்களை கைது செய்யக்கோரியும் துவரங்குறிச்சி காவல் துறையிடம் புகார் அளித்துள்ளார்.
தோட்டத்தின் உரிமையாளர் அளித்தப்புகாரின் அடிப்படையில் அவரிடம் செம்மரம் வாங்கி வைக்கப்பட்டதா? அல்லது தானாக முளைத்ததா? மேலும்,செம்மரம் வளர்ப்பதற்கான பதிவு இருக்கிறதா? என விசாரணை மேற்கொண்ட நிலையில் புகார் குறித்தும் காவல் துறையினர் விசாரித்து வருகின்றனர். இரவு நேரத்தில் நடந்த செம்மரக்கடத்தல் சம்பவம் அப்பகுதியில் பெரும் பரபரப்பை ஏற்படுத்தியுள்ளது.
இதையும் படிங்க : நெஞ்சுக்கு நீதி படத்திற்கு யூஏ சான்றிதழ்
