திருப்பத்தூர் மாவட்டம் ஆம்பூரைச் சேர்ந்தவர் சலீம். இவர் தமிழ்நாடு முஸ்லீம் முன்னேற்றக் கழக ஆம்பூர் கிளைச்செயலாளராக உள்ளார்.
சலீம் இன்று மாலை (ஏப்.3) துத்திப்பட்டு பகுதியில் தனது இருசக்கர வாகனத்தில் சென்று கொண்டிருந்த போது எதிரே வந்த லாரி மோதிய விபத்தில் சம்பவ இடத்திலேயே உயிரிழந்தார்.
இந்நிலையில் விபத்துகுறித்து தகவலறிந்து சம்பவ இடத்திற்கு விரைந்த உமராபாத் காவல் துறையினர், சலீமின் உடலை மீட்டு உடற்கூராய்வுக்காக ஆம்பூர் அரசு மருத்துவமனைக்கு அனுப்பி வைத்தனர்.
தொடர்ந்து இவ்விபத்து குறித்து வழக்குப்பதிவு செய்த காவல் துறையினர் விசாரணை நடத்தி வருகின்றனர்.
இதையும் படிங்க: கார் மீது லாரி மோதி விபத்து: நான்கு பேர் உயிரிழப்பு
