திருப்பத்தூர்: கரோனா தொற்றின் இரண்டாவது அலை பரவலை கட்டுப்படுத்தும் விதமாக முழு ஊரடங்கு கடைப்பிடிக்கப்படுகிறது. இதனடிபடையில், அத்தியாவசிய பொருட்கள் விற்பனை கடைகள், தேனீர் கடைகள், உணவகங்கள் பிற்பகல் 12 மணி வரை மட்டுமே இயங்க அனுமதிக்கப்பட்டுள்ளது.
வாணியம்பாடியில் வருவாய் கோட்டாட்சியர் காயத்ரி சுப்பிரமணி தலைமையில் நகராட்சி ஆணையாளர் புவனேஸ்வர் மற்றும் காவல்துறை துணை கண்காணிப்பாளர் பழனி செல்வம் உள்ளிட்ட அலுவலர்கள் சி.எல்.சாலை, பஷீராபாத் , மலாங்ரோடு, ஜாப்ராபாத் உள்ளிட்ட பகுதிகளில் ரோந்து பணியில் ஈடுபட்டு இருந்தனர்.
அப்போது, அரசு அறிவித்த நேரத்தை கடந்து முகக்கவசம் அணியாமல், தகுந்த இடைவெளியை கடைப்பிடிக்காமல் இயங்கி வந்த டீக்கடை , ஸ்வீட் கடை, இறைச்சி கடை உள்ளிட்ட ஏழு கடைகளுக்கு சீல் வைத்து அபராதம் விதித்தனர்.
மேலும், முகக்கவசம் அணியாமல் அனாவசியமாக இருசக்கர வாகனங்களில் சுற்றி திரியும் இளைஞர்களை நிறுத்தி அபராதம் விதித்து காவல்துறையினர் எச்சரிக்கை விடுத்து அனுப்பினர்.
இதையுன் படிங்க: இளம்பெண் 25 பேரால் கூட்டுப்பாலியல் வன்புணர்வு
