திருப்பத்தூர் மாவட்டம் ஆம்பூர் அடுத்த வடப்புதுபட்டு பகுதியைச் சேர்ந்த விவசாயி வேலு (70). இவர் அதேபகுதியில் தனது மனைவி, குழந்தைகளுடன் வசித்துவருகிறார். இந்நிலையில் தனது நான்கு பசு மாடுகளையும் மேய்ச்சலுக்காக, தனது நிலத்தில் விட்டுள்ளார்.
கிணற்றில் விழுந்த மாட்டினை 3 மணி நேர போராட்டத்திற்கு பின்பு மீட்ட தீயணைப்புத்துறையினர்
ஆப்போது ஒரு பசுமாடு, அருகிலிருந்து 90 அடி ஆழமுள்ள கிணற்றில் தவறி விழுந்துள்ளது. இதனையடுத்து தீயணைப்புத் துறையினருக்கு தகவல் தெரிவிக்கப்பட்டது.
தகவலறிந்து வந்த தீயணைப்புத் துறையினர் அப்பகுதி பொதுமக்களின் உதவியுடன் சுமார் 3 மணி நேரம் போராடி மாட்டை உயிருடன் மீட்டனர். இதையடுத்து மாட்டை மீட்ட தீயணைப்புத் துறையினருக்கு அப்பகுதி மக்கள் தங்களது பாராட்டுகளைத் தெரிவித்தனர்.
இதையும் படிங்க:ரப்பர் விவசாயத்தையும் விட்டுவைக்காத கரோனா - அரசிடம் உதவி கேட்கும் விவசாயிகள்
