பட்டாசு விற்பனைக் கடையை தொடங்கிவைத்த அமைச்சர் வீரமணி!

திருப்பத்தூர் : தீபாவளிப் பண்டிகையை முன்னிட்டு பட்டாசு விற்பனைக் கடையை வணிகவரித் துறை அமைச்சர் வீரமணி இன்று (நவ.07) தொடங்கி வைத்தார்.

தீபாவளிப் பண்டிகை தொடங்க இன்னும் சில தினங்களே உள்ளதால் பல்வேறு இடங்களில் பட்டாசு விற்பனைக்கான அனுமதியை மாவட்ட நிர்வாகங்கள் வழங்கி வருகின்றன.

இந்நிலையில் திருப்பத்தூர் மாவட்டம், திருப்பத்தூர் தூய நெஞ்சக் கல்லூரி எதிரிலுள்ள கற்பகம் கூட்டுறவு மொத்த விற்பனை பண்டகசாலைக் கடையில் தீபாவளிப் பட்டாசு விற்பனையை வணிகவரித் துறை அமைச்சர் வீரமணி, மாவட்ட ஆட்சியர் சிவனருள் ஆகியோர் இன்று (நவ.07) தொடங்கி வைத்தனர்.