தூத்துக்குடி மாவட்டத்தில் கரோனா தொற்று பாதித்தோரின் எண்ணிக்கை நாளுக்கு நாள் அதிகரித்து வருகிறது. மாவட்டத்தில் கரோனாவால் பாதிக்கப்பட்டவர்களின் எண்ணிக்கை 7ஆயிரத்தை நெருங்கி வருகிறது.
மேலும், குணமடைந்தவர்களின் எண்ணிக்கை 5 ஆயிரமாக உயர்ந்துள்ளது. தூத்துக்குடி மாவட்டத்தைச் சேர்ந்த 2 ஆயிரத்து 429 பேர் தற்போது கரோனாவுக்கு சிகிச்சைப் பெற்று வருகின்றனர். இந்நிலையில், தூத்துக்குடி அரசு மருத்துவமனையில் கரோனா வார்டில் சிகிச்சைப் பெற்று வந்த ஆண்கள் இருவர் நேற்று உயிரிழந்தனர். இதைத்தொடர்ந்து தூத்துக்குடி மாவட்டத்தில் கரோனாவால் உயிரிழந்தவர்களின் எண்ணிக்கை 45ஆக உயர்ந்துள்ளது.
கரோனா பாதிப்பால் சிகிச்சைப் பலனின்றி இறந்தவர்களின் உடல்கள் அரசு வெளியிட்டுள்ள பாதுகாப்பு விதிகளின் படி சிதம்பர நகர் மையவாடியில் நேற்று அடக்கம் செய்யப்பட்டது.
இதையும் படிங்க: பக்ரீத் எதிரொலி - சந்தையை திறக்க கோரி ஆடுகளுடன் கோட்டாட்சியர் அலுவலகம் முற்றுகை
