தூத்துக்குடி: தூத்துக்குடி மாவட்டம் வெம்பூரைச் சேர்ந்த 25க்கும் மேற்பட்டோர் திதி கொடுப்பதற்காக சிப்பிக்குளத்திற்கு வேனில் சென்றுள்ளனர். விளாத்திக்குளத்தில் உள்ள சல்லிசெட்டிபட்டி கிராமம் அருகே வேன் வந்துகொண்டிருந்தபோது, கட்டுப்பாட்டை இழந்த வேன் அருகிலிருந்த பேருந்து நிறுத்தத்தில் மோதி விபத்துக்குள்ளானது.
இதில், வேனை ஒட்டிவந்த பன்னீர் செல்வத்துக்கு காலில் பலத்த காயம் ஏற்பட்டது. மேலும், வேனில் பயணம் செய்த 25க்கும் மேற்பட்டோர் படுகாயமடைந்தனர். இந்த விபத்து தொடர்பாக வழக்குப்பதிவு செய்த காவல் துறையினர், படுகாயமடைந்தவர்களை மீட்டு அருப்புக்கோட்டை அரசு மருத்துவமனையில் சிகிச்சைக்காக அனுமதித்துள்ளனர்.
இதையும் படிங்க: காவல் உதவி ஆய்வாளரை கொலை செய்தவர் மனைவி தற்கொலை!
