தூத்துக்குடி மாவட்டம், விளாத்திகுளத்தில் இருந்து மதுரை செல்லும் சாலையில் கோடாங்கிபட்டி என்னும் பகுதி அருகே, தேர்தல் பறக்கும் படை அலுவலர்கள் நேற்று வாகன சோதனையில் ஈடுபட்டிருந்தனர்.
அப்போது, அந்த வழியாக வந்த கார் ஒன்றை நிறுத்தக்கோரியும் நிற்காமல் சென்றது. அதனை பின்தொடர்ந்து சென்று மடக்கிப் படித்த பறக்கும் படையினர் அந்த காரை சோதனையிட்டனர். அப்போது, காரில் உரிய ஆவணங்கள் இல்லாமல் ரூ. 18 லட்சத்து 6 ஆயிரம் ரூபாய் ரொக்கப் பணம் இருந்தது கண்டறியப்பட்டது. பின்னர் அந்த காரில் இருந்தவரிடம் செய்த விசாரணை, அவர் அதிமுக கட்சி பிரமுகர் செல்வராஜ் என்பது தெரியவந்தது.
இதையடுத்து, பறிமுதல் செய்த பணத்தை தேர்தல் அலுவலரிடம் ஒப்படைக்கப்பட்டது.
