தூத்துக்குடி மாவட்டம் கயத்தாறு ஊராட்சி ஒன்றியத்தில் ஊரக உள்ளாட்சித் தேர்தலில் போட்டியிட்டு வெற்றிபெற்ற அமமுகவின் ஒன்றிய கவுன்சிலர்கள்களுடன் அக்கட்சியின் தென் மண்டல பொறுப்பாளர் மாணிக்கராஜா ஆலோசனை நடத்தினார்.
பின்னர் அவர் செய்தியாளர்களிடம் பேசுகையில்," ஒரு ஜனநாயகத்தில் மக்களுக்கு சேவை செய்தால்தான் வெற்றி பெற முடியும் என்பதற்கு கயத்தாறு ஒன்றியம் ஒரு எடுத்துக்காட்டாக அமைந்துள்ளது. கயத்தாறு ஒன்றியத்தில் அனைத்து சமுதாய மக்களுக்கும் வேறுபாடின்றி எங்களை ஆதரித்ததால் அனைவருக்கும் நன்றி சொல்ல கடமைப்பட்டிருக்கிறோம்.
உள்ளாட்சித் தேர்தல் முடிவுகள் தாமதமாவதற்கு ஆளுங்கட்சி பயம்தான் காரணம். மாற்றுக் கட்சிகள் வெற்றி பெற்றுக் கொண்டிருக்கிறது, ஏதாவது முறையீடு செய்து விடலாமா என்று பார்க்கிறார்கள், ஆனால் அதிகாரிகள் நன்றாக இருப்பதால் எதுவும் செய்ய முடியவில்லை. கயத்தாறு ஊராட்சி ஒன்றியத்திலும் தாங்கள் வெற்றி பெற்றுவிட்டதாக அறிவிக்க ஆளுங்கட்சியினர் முயற்சி செய்தனர்” என்றார்.
இதையும் படிங்க: விடுமுறை முடிந்து பள்ளி திறந்த அன்றே தேர்வு - மாணவர்கள் அதிர்ச்சி!
