திருவாரூர் அருகே முகந்தனூர் கிராமத்தில் கடந்த எட்டு மாதங்களாக ஊருக்கு வெளியே அரசு மதுபான கடை செயல்பட்டுவருகிறது. நேற்று இரவு பணிகளை முடித்துவிட்டு கடையினை ஊழியர்கள் பூட்டிவிட்டுச் சென்றுள்ளனர்.
இந்நிலையில் இன்று காலை மதுக்கடையில் பணிபுரியும் சுரேஷ், கணேஷ் ஆகியோர் கடைக்குச் சென்று பார்த்தபோது கடையின் ஷட்டர் உடைக்கப்பட்டிருந்ததைக் கண்டு அதிர்ச்சியடைந்தனர். மேலும் கடையின் பின்பக்க சுவரில் துளையிடப்பட்டு நூற்றுக்கணக்கான மது பாட்டில்கள் சிதறிக் கிடந்துள்ளன.
இந்தத் தகவலறிந்த கொரடாச்சேரி காவல் துறையினர் மோப்ப நாய் உதவியுடன் விசாரணை மேற்கொண்டுவருகின்றனர். கடையின் ஷட்டர்களை உடைக்க முடியாததால் பின்பக்க சுவரில் ஆள்புகும் அளவில் துளையிட்டு கடையிலிருந்த பணம், நூற்றுக்கணக்கான மதுபாட்டில்களை அள்ளிச் சென்றுள்ளனர்.
புதுச்சேரி இடைத்தேர்தலை முன்னிட்டு இன்று மாலை 6 மணி முதல் தேர்தல் நாளான வரும் 21ஆம் தேதிவரை திருவாரூர் மாவட்டத்தில் மதுக்கடைகளை மூட உத்தரவிட்ட நிலையில் இந்த மது திருட்டுச் சம்பவம் பரபரப்பை ஏற்படுத்தியுள்ளது.
இதையும் படியுங்க:
"இதையும் மீறி கடைய அடைச்சா தற்கொலை செஞ்சுக்குவோம்" - சத்தியம் செய்த மதுப்பிரியர்கள்
