திருவாரூர் மாவட்டம், மன்னார்குடி அடுத்துள்ள கூத்தாநல்லூர் பகுதியில் கரோனா வைரஸ் தொற்றால் பாதிக்கப்பட்டு, சிகிச்சைப் பெற்று வந்தவர்கள், அனைவரும் குணமடைந்து வீடு திரும்பியுள்ளனர்.
இதற்கிடையில் கூத்தாநல்லூர் வட்டாட்சியருக்கு கரோனா வைரஸ் தொற்று இருப்பது உறுதி செய்யப்பட்டுள்ளது. மேலும் அதே பகுதியில் பணியாற்றிய 6 கிராம நிர்வாக அலுவலர்களுக்கும் தொற்று ஏற்பட்டுள்ளது.
இதையடுத்து அவர்கள் அனைவரும் திருவாரூர் அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சைப் பெற்று வருகின்றனர்.
இதனால் வட்டாட்சியர் அலுவலகம் முழுவதும் கிருமிநாசினி தெளிக்கப்பட்டு, தற்காலிகமாக மூடப்பட்டுள்ளது.
கரோனா பாதித்த 6 அரசு அலுவலர்களும், அம்மாவட்ட கரோனா தடுப்புப் பணியில் ஈடுபட்டு வந்தனர் என்பது குறிப்பிடத்தக்கது.
