திருவாரூரில் தனியார் திருமண மண்டபத்தில் மாவட்ட சதுரங்க கழகம் மற்றும் ஓஎன்ஜிசி காரைக்கால் இணைந்து 48ஆவது தமிழ்நாடு மாநில மகளிருக்கான சதுரங்கப் போட்டி கடந்த ஐந்து நாட்களாக நடைபெற்றது. இப்போட்டியில் சென்னை, கோவை, மதுரை மற்றும் கன்னியாகுமரி உள்ளிட்ட 23 மாவட்டங்களில் இருந்து 130க்கும் மேற்பட்ட மாணவிகள் கலந்து கொண்டனர்.
ஐந்து நாட்கள் நடைபெற்ற இப்போட்டியில் நடைபெற்ற ஒன்பது சுற்றுகளில் எட்டு புள்ளிகளை சென்னையைச் சேர்ந்த சரண்யா, பாலகண்ணம்மா ஆகியோர் பெற்றிருந்தனர். இவர்களில் சரண்யா முன்னேற்றப் புள்ளிகள் அதிகம் பெற்று, சாம்பியன் பட்டம் பெற்றார்.
சதுரங்கப் போட்டியின் இறுதி நாளான இன்று வெற்றி பெற்றவர்களுக்கு கோப்பை, 75 ஆயிரம் ரூபாய் ரொக்கப்பரிசு வழங்கப்பட்டது. மேலும் வெற்றி பெற்ற மாணவிகள் தெலங்கானா மாநிலத்தில் நடைபெற உள்ள தேசிய மகளிருக்கான சதுரங்கப் போட்டியில் தமிழ்நாடு சார்பில் கலந்துகொள்ள உள்ளனர் என்பது குறிப்பிடத்தக்கது.
இதையும் படிங்க: தேசிய துப்பாக்கிச் சுடுதல் சாம்பியன்ஷிப்: 10 மீ பிரிவில் தங்கம் வென்றார் சவுரப் சவுத்ரி!
