இந்தியாவில் நாளுக்கு நாள் கரோனா வைரஸின் தாக்கம் அதிகரித்துவருகிறது. குறிப்பாக, தமிழ்நாட்டிலும் இதன் தாக்கம் தீவிரமடைந்துள்ளது. இதனைக் கட்டுப்படுத்தும் வகையில் மத்திய, மாநில அரசுகள் பல்வேறு நடவடிக்கையில் ஈடுபட்டுவருகின்றன.
அதேசமயம், கரோனா வைரஸ் பரவலைத் தடுக்க மருத்துவ பணியாளர்கள், சுகாதாரத் துறை ஊழியர்கள், காவல் துறையினர் போராடிவருகின்றனர்.
இந்த நிலையில், காவல் துறையினர்களின் பாதுகாப்பு கருதி தமிழ்நாடு முழுவதும் ஆங்காங்கே கரோனா பரிசோதனை முகாம்கள் அமைக்கப்பட்டு பரிசோதனை செய்யப்படுகின்றன. அந்தவகையில், திருவாரூர் அருகே உள்ள கொடிக்கால் பாளையத்தில் உள்ள ஆரம்ப சுகாதார நிலையத்தில் கரோனா பரிசோதனை நடைபெற்றது.
இதில், மாவட்ட காவல் கண்காணிப்பாளர் துரை நிகழ்வை தொடங்கி வைத்து பரிசோதனை செய்துகொண்டார். பின்னர் திருவாரூர் மாவட்டத்தில் உள்ள காவலர்கள், ஊர்க்காவல் படையினருக்கும் கரோனா சோதனை செய்யப்பட்டது.
இந்தச் சோதனையில் ஏராளமான காவல்துறையினர் தங்களை பரிசோதனை செய்து கொண்டனர். திருவாரூரில் இதுவரை கரோனாவால் 28 பேர் பாதிக்கப்பட்டுள்ளனர் என்பது குறிப்பிடத்தக்கது.
இதையும் படிங்க: வேலை பார்க்க சொன்ன உதவி ஆய்வாளரைத் தாக்கிய காவலர்
