Central Team: மழை வெள்ள பாதிப்புகள் குறித்து ஆய்வு

திருவாரூர் மாவட்டத்தில் கன மழையால் பாதிக்கப்பட்ட பகுதிகளை மத்திய குழுவினர் (Central Team Visit) இன்று (நவ. 23) ஆய்வு செய்தனர்.

திருவாரூர்: தமிழ்நாட்டில் பெய்த தொடர் மழையால் பாதிக்கப்பட்ட பகுதிகளை மத்திய குழுவினர் ஆய்வு செய்து வருகின்றனர். அந்த வகையில் டெல்டா மாவட்டங்களில் பாதிக்கப்பட்ட பகுதிகளை மத்திய குழுவினர் ஆய்வு செய்தனர்.

அதன் ஒரு பகுதியாக இன்று (நவ.23) திருவாரூர் மாவட்டம் காவனூர் பகுதிகளில் பாதிக்கப்பட்ட சம்பா நெற்பயிர்களை ஒன்றிய உள்துறை இணை செயலாளர் ராஜிவ் சர்மா தலைமையிலான குழுவினர் நேரில் ஆய்வு மேற்கொண்டனர்.(Central Team Visit)

அப்போது விவசாயிகளிடம் குறைகளை கேட்டறிந்தனர். திருவாரூர் மாவட்ட ஆட்சியர் காயத்ரி கிருஷ்ணன், சட்டப்பேரவை உறுப்பினர் பூண்டி கலைவாணன் மற்றும் அரசு அலுவலர்கள் உள்ளிட்ட பலர் உடன் இருந்தனர்.