பின்னணிப் பாடகர் எஸ்.பி.பி.யின் உடல் இன்று (செப். 26) அரசு மரியாதையுடன், தாமரைப்பாக்கத்தில் உள்ள அவரது பண்ணை வீட்டில் நல்லடக்கம் செய்யப்பட்டது. அவரின் மறைவு குறித்து ரசிகர்கள் தொடங்கி திரையுலக பிரபலங்கள் வரை பலரும் அஞ்சலி செலுத்திவருகின்றன்ர்.
இந்நிலையில் திருவண்ணாமலை மாவட்டத்தில் உள்ள அருள்மிகு அருணாச்சலேஸ்வரர் திருக்கோயிலின் ராஜகோபுரம் முன்பு, நம்பர் ஒன் போட்டோ வீடியோ நலச்சங்கம் சார்பில் எஸ்.பி.பி.க்கு இதய அஞ்சலி செலுத்தப்பட்டது. அவரின் வயதை நினைவுகூரும் விதமாக, எஸ்.பி.பி. என்று 74 அகல் விளக்கு ஏற்றி கண்ணீர் அஞ்சலி செலுத்தினர்.
புதுச்சேரியில் உள்ள இசைக் கலைஞர்கள் சங்கம் சார்பில், எஸ்.பி.பி.யின் திருவுருவப் படத்திற்கு தமிழ்ச்சங்கம் கட்டட வளாகத்தில் அஞ்சலி செலுத்தினர். இதில் ஏராளமான பாடகர்கள், இசைக்கலைஞர்கள், இசைப்பிரியர்கள், பொதுமக்கள் கலந்துகொண்டு, எஸ்.பி.பி. உருவப் படத்துக்கு மலர்த்தூவி அஞ்சலி செலுத்தினர்.
