தேர்தல் பறக்கும் படைகள் சுற்றிப்பிடித்த பொருட்களின் விவரம்!

திருவள்ளூர்: ஊரக உள்ளாட்சித் தேர்தலையொட்டி பறக்கும் படைகள் வாயிலாக கைப்பற்றப்பட்ட பொருட்கள் குறித்த விவரங்களை மாவட்ட தேர்தல் அலுவலர் மகேஸ்வரி ரவிக்குமார் தெரிவித்தார்.

திருவள்ளூர் மாவட்டம் 2019 ஊரக உள்ளாட்சித் தேர்தலையொட்டி பறக்கும் படைகள் வாயிலாக கைப்பற்றப்பட்ட பொருட்கள் குறித்த விவரங்களை மாவட்ட தேர்தல் அலுவலர் மகேஸ்வரி ரவிக்குமார் தெரிவித்தார். அப்போது பேசிய அவர், உள்ளாட்சித் தேர்தலுக்கான வாக்குச்சாவடி அலுவலர்கள் நியமிக்கப்பட்டுள்ளனர்.

இங்கு போட்டியிடும் வேட்பாளர் தேர்தல் நடத்தை விதிகளுக்கு முரணாக பணம், பொருட்கள் ஆகியவை வாக்காளர்களுக்கு கொடுக்கப்படுவதைத் தடுக்க எட்டு பறக்கும் படைகள் அமைக்கப்பட்டுள்ளன.

இவர்கள் மூலமாக இதுவரை ரொக்கப்பணம் 4500 ரூபாயும், 24 அரிசி மூட்டைகளும், 500 புடவைகளும், 50 சில்வர் குடங்களும், 500 காமாட்சி அம்மன் விளக்குகளும் கைப்பற்றப்பட்டுள்ளதாக மாவட்ட தேர்தல் அலுவலர் மகேஸ்வரி ரவிக்குமார் தெரிவித்தார்.