திருவள்ளூர் மாவட்டம் கும்மிடிப்பூண்டியில் 16ஆவது வார்டு ஒன்றியக் கவுன்சிலராக வெற்றி பெற்றவர் சிவக்குமார். மேலும் இவர் கும்மிடிப்பூண்டி ஒன்றியக் குழுத் தலைவராகத் தேர்ந்தெடுக்கப்பட்டுள்ளார்.
இதனையடுத்து, தேர்தலில் வெற்றி பெறச்செய்த பொதுமக்களுக்கு நன்றி கூறும் வகையில் சிவக்குமார், முன்னாள் நாடாளுமன்ற உறுப்பினர் வேணுகோபால் ஆகியோர் ஈகுவார் பாளையம் கிராமத்தில் ஊர்வலமாகச் சென்று பொதுமக்களுக்கு நன்றியினைத் தெரிவித்துவந்தனர்.
அப்போது அங்கிருந்த பொதுமக்கள், இரண்டு ஜேசிபி இயந்திரங்கள் மூலம் மலர்களைத் தூவி, கரகாட்டம் ஆடி உற்சாகமாக அவர்களுக்கு வரவேற்பு கொடுத்தனர். பொதுமக்களுக்கு சிவக்குமார் தனது நன்றியினைத் தெரிவித்தபோது, கிராம மக்கள் ஆரத்தி எடுத்தும், பூசணிக்காயை உடைத்தும் அவருக்கு உற்சாகமாக வரவேற்பு கொடுத்தனர்.
இதையும் படிங்க: 'கூட்டணி குறித்த கருத்துகளை இரு கட்சியினரும் பகிரக் கூடாது' - ஸ்டாலின் அறிக்கை
