திருவள்ளூர் மாவட்டம் கும்மிடிப்பூண்டி சிப்காட் தொழிற்பேட்டை, சிருபுழல் பேட்டை ஊராட்சியில் குரூட் ஆயில் சேமிப்பு நிறுவனம் உள்ளது. இந்தத் தொழிற்சாலையில் நேற்று திடீரென ஏற்பட்ட தீ விபத்து காரணமாக அங்கு வைக்கப்பட்டிருந்த குரூட் ஆயில் பேரல்கள் தீ பிடித்து வெடித்தன.
இதனால், தீ மளமளவென பரவியது. இந்த விபத்து குறித்து தகவலறிந்த ஊராட்சி மன்றத் தலைவர், கிராம நிர்வாக அலுவலர் கும்மிடிப்பூண்டி சிப்காட் மற்றும் கும்மிடிப்பூண்டி தீயணைப்புத் துறையினருக்குத் தகவல் தெரிவித்தனர். இதைத்தொடர்ந்து சம்பவ இடத்திற்கு விரைந்து வந்த தீயணைப்புப் படையினர், குரூடாயில் சேமிப்பு நிறுவனத்தில் ஏற்பட்ட தீயை அணைக்கப் போராடி வருகின்றனர்.
மேலும், இச்சம்பவம் குறித்து கும்மிடிப்பூண்டி சிப்காட் காவல் துறையினர் வழக்குப்திவு செய்து விசாரணை மேற்கொண்டு வருகின்றனர். இந்தத் தீ விபத்தால் சிப்காட் பகுதியில் பெரும் பரபரப்பு ஏற்பட்டுள்ளது.
இதையும் படிங்க: 'அத்தியாவசியப் பொருட்களை வீட்டிற்குச் சென்று விநியோகிக்க கட்டுப்பாட்டு அறை'
