திருவள்ளூர் மாவட்டத்தில் கடந்த 10 மாதங்களில் 778 கைப்பேசிகள் திருடு மற்றும் காணாமல் போனதாகக் காவல்நிலையங்களில் புகார் வந்த வண்ணம் இருந்துள்ளது. புகாரைத் தொடர்ந்து மாவட்ட சைபர் கிரைம் பிரிவினர் தீவிர விசாரணை மேற்கொண்டதில் சிலர் உரிய ஆவணங்களின்றி செல்ஃபோன்களை பயன்படுத்தி வந்தது தெரியவந்தது. அவர்களிடம் இருந்து 174 செல்ஃபோன்களை சைபர் கிரைம் பிரிவினர் பறிமுதல் செய்தனர்.
இதன் மூலம் பல்வேறு காவல்நிலைங்களில் பதிவான 17 செல்ஃபோன் திருட்டு வழக்குகளில் 9 வழக்குகளுக்கு தீர்வு கிடைத்துள்ளது. மேலும் பறிமுதல் செய்யப்பட்ட 174 கைப்பேசிகளை மாவட்ட காவல் கண்காணிப்பாளர் அரவிந்தன் உரிமையாளர்களிடம் ஒப்படைத்தார்.
பின்னர் அவர் கூறுகையில்," உங்கள் செல்ஃபோன்கள் காணாமல் போனால் உடனடியாக அருகில் உள்ள காவல் நிலையத்தில் புகார் தெரிவிக்க வேண்டும். குற்ற வழக்குகளில் சம்பந்தமுடைய செல்ஃபோன் ஏதும் கிடைத்தால் உடனடியாக காவல்துறையிடம் தெரிவிக்க வேண்டும்" என்று தெரிவித்தார்.
இதையும் படிங்க : சந்தைக்கு புதிய என்ட்ரி.... டிக் டாக் வெளியிட்ட முதல் ஸ்மார்ட்போன்!
