திருவள்ளூர் : மாவட்டத்தில் தமிழ்நாடு நுகர்பொருள் வாணிப கழகம் மூலமாக 43 இடங்களிலும், கூட்டுறவுத் துறை மூலமாக 5 இடங்களிலும் சேர்த்து மொத்தமாக 48 நேரடி நெல் கொள்முதல் மையங்கள் இயங்கி வருகின்றன.
இதில் காரீப் கொள்முதல் பருவம் செப்டம்பர் 30ஆம் தேதி வரை நேரடி நெல் கொள்முதல் மையங்கள் மூலம் ஒரு லட்சத்து 11 ஆயிரம் மெட்ரிக் டன் நெல் கொள்முதல் செய்யப்பட்டுள்ளது.
அக்டோபர் 1ஆம் தேதி முதல் அரசின் புதிய நெல் கொள்முதல் விலையில் இதுநாள் வரை 5 ஆயிரத்து 588 மெட்ரிக் டன் கொள்முதல் செய்யப்பட்டுள்ளது.
ஆட்சியர் ஆல் பி ஜான் வர்கீஸ்
இதைத்தொடர்ந்து சிறு குறு விவசாயிகளின் நலன் கருதி நடமாடும் நேரடி கொள்முதல் நிலையத்தை மாவட்ட ஆட்சியர் ஆல்பி ஜான் வர்கீஸ் தொடங்கிவைத்தார்.
இதன் மூலம் நாள் ஒன்றுக்கு 2 ஆயிரம் முதல் 3 ஆயிரம் மெட்ரிக் டன் வரை நெல் கொள்முதல் செய்யப்படும் என ஆட்சியர் தெரிவித்தார்.
