திருவள்ளூர்: மாவட்ட ஆசிரியர் கல்வி, பயிற்சி நிறுவன வளாகத்தில் பனை விதை நடுதல், மூலிகைப் பண்ணை அமைத்தல் போன்ற நிகழ்ச்சி நடைபெற்றது. இந்நிகழ்வில் சுற்றுச்சூழல் துறை அமைச்சர் மெய்யநாதன் சிறப்பு அழைப்பாளராகக் கலந்துகொண்டு தமிழ்நாடு முற்போக்கு எழுத்தாளர் சங்கத்தின் நூலை வெளியிட்டார்.
பின்னர் பனை விதை, மரக்கன்றுகளை சுற்றுச்சூழல் துறை அமைச்சர் மெய்யநாதன், திருவள்ளூர் நாடாளுமன்ற உறுப்பினர் டாக்டர் ஜெயக்குமார், பூந்தமல்லி சட்டப்பேரவை உறுப்பினர் கிருஷ்ணசாமி ஆகியோர் நட்டனர்.
தொடர்ந்து செய்தியாளரிடம் பேசிய மெய்யநாதன், "அரசின் சார்பில் சுற்றுச்சூழலை மீட்டெடுக்க நடவடிக்கைகள் எடுக்கப்பட்டுவருகின்றன. அதன் அடிப்படையில் சதுப்பு நிலங்கள் பாதுகாப்பு இயக்கம் தொடங்கப்பட்டுள்ளது. பண்டிகைகளின்போது பொதுமக்கள் பட்டாசு வெடிப்பதைத் தவிர்க்க வேண்டும்" என்றார்.
இதையும் படிங்க: கலாம் கனவு கானல் நீரானது ஏன்? - நேர்காணல் வெளியீடு!
