திருவள்ளூர்: திருவள்ளூர் மாவட்டம், ஆர்.கே.பேட்டை அருகே உள்ள நாராயணபுரம் கிராமத்திற்குச்செல்லும் சாலையின் பக்கவாட்டில் பொதுப்பணித்துறைக்கு சொந்தமான மழைநீர் கால்வாய் உள்ளது. மழைநீர் இந்த கால்வாய் வழியாகவே ஏரிக்குச்செல்கிறது.
கால்வாய்களுக்கு இடையே உள்ள சிமென்ட் சாலை அமைக்கப்பட்டு சுமார் 20ஆண்டுகள் ஆவதால், ஆங்காங்கே உடைந்து குண்டும் குழியுமாக காட்சியளிக்கிறது. கால்வாயில் மழைநீர் செல்வதாலும் சாலையின் ஓரங்களில் உடைப்பு ஏற்பட்டுள்ளது. இந்த சாலையில் செல்லும் கனரக வாகனங்கள் விபத்துக்குள்ளாவது வாடிக்கையாகி வருகிறது. கடந்த வாரம் இந்த சாலையில் பள்ளிப்பேருந்து கவிழ்ந்து விபத்துக்குள்ளானது.
