தமிழ்நாடு எல்லையில் நிபா வைரஸுக்கு மருத்துவ முகாம்!

நெல்லை: தமிழ்நாடு-கேரள மாநிலங்களின் எல்லை பகுதியில் ஒன்றான தென்காசி அருகே நடமாடும் மருத்துவ முகாம் அமைத்து, மக்களிடம் நிபா வைரஸ் குறித்து சோதனை நடவடிக்கைகள் மேற்கொள்ளப்பட்டு வருகிறது.

கேரளா மாநிலத்தில் தற்போது வேகமாக நிபா வைரஸ் மூலம் அதன் நோய் வேகமாக பரவிவரும் நிலையில், தமிழ்நாட்டில் அந்த நோய் பரவாமல் இருக்க முதற்கட்ட பாதுகாப்பு ஏற்பாடுகளாக தமிழ்நாடு, கேரளாவின் எல்லை பகுதியான தென்காசி புளியரையில் உள்ள சோதனை சாவடியில் அரசு சார்பில் மருத்துவ முகாம் அமைக்கப்பட்டுள்ளது.

அங்கு சுற்றுவட்டார பகுதிகளில் வசிக்கும் மக்களுக்கு ஏதேனும் காய்ச்சல் உள்ளதா என்று கண்டறியும் பணி தீவிரமாக நடைப்பெற்று வருகிறது. மேலும் இரண்டு மாநிலத்திற்கும் எல்லை பகுதியான புளியரைக்கு வரும் பயணிகளிடம் நிபா வைரஸ் குறித்து முகாமில் இருக்கும் மருத்துவர்கள் விழிப்புணர்வு செய்து வருகின்றனர்.