திருநெல்வேலி: காங்கிரஸ் கமிட்டி அலுவலகம் முன்பு நிறுவப்பட்டுள்ள பெருந்தலைவர் காமராஜர் மற்றும் அன்னை இந்திரா காந்தி ஆகியோரின் சிலை திறப்பு விழாவில் பங்கேற்பதற்காக திமுக மகளிரணிச் செயலாளரும், நாடாளுமன்ற உறுப்பினருமான கனிமொழி நெல்லை வந்தார்.
மாவட்ட ஆட்சியர் அலுவலகம் அருகில் நடைபெற்ற சிலை திறப்பு விழாவில் அவர் பங்கேற்றுப் பேசினார். பின்னர் அவர் நெல்லை அடைமிதிப்பான் குளம் கல்குவாரி விபத்தில் சிக்கி காயமடைந்து பாளையங்கோட்டை அரசு மருத்துவக் கல்லூரி மருத்துவமனையில் சிகிச்சைப் பெற்று வரும் முருகன் மற்றும் விஜய் ஆகிய இருவரையும் நேரில் சந்தித்து நலம் விசாரித்தார்.
அவருடன் பாளையங்கோட்டை மத்திய மாவட்ட திமுக செயலாளரும் சட்டமன்ற உறுப்பினருமான அப்துல் வகாப் உடனிருந்தார். அப்போது கனிமொழி காயமடைந்த இருவரிடமும் உடல் நலம் விசாரித்ததோடு விபத்து குறித்தும் கேட்டறிந்தார்.
இதையும் படிங்க: நெல்லை கல்குவாரி விபத்து - பாறை இடிபாடுகளுக்குள் சிக்கி 17 மணி நேரமாகப் போராடியவர் உயிரிழப்பு!
